Yeremi 18:22 - NQAARIIT NE ROOG

²² Yaasam xa paɗax a njibit no pind ke den, yaa o hebliidkaa took den ndak fo ndak saasaay. Yaam a mbaqanaxam gamb, ndax da naangaam nuus, a ƭaapanaam mbog na caf es.

Yeremi 18:22 Referans Kwoze

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

A kim a tedu ke 140:5

O Yaal oxe, saytooxaam na xa ƥay no soxodu we, muclaam no wiin balu-balu we na mbexeyaa maa da mbanqtaxama.

Sofoni 1:16

bes faa a tuluɓ ake fo xa buuq xire a njibankaa teeru cegu saŋe ke fo taax-took koƭu took ke.

Mace 22:15

Maaga, Farisiya we a ndeta a nga’rik, ndax da mbaag o mbog a Yeesu took fa lay um sax sax.

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Esayi 10:30

«Teeru fee Galim, jibni o wuuq, Laysa, fogooxi, wo Anatot fa toroxu fee.»

A kim a tedu ke 38:12

Qaariit es fo yoon es kaa ƈufaxam yaam a ƭoy es, fog es a mbod koƭu.

A kim a tedu ke 119:85

Wiin ga’atinooxu waa a ƭat den a yongeerna na cangin of a ngasanaxam a kamb.

Yeremi 5:26

A jega kam xeet es wiin soxodu. Kaa nandtaa foofog waa ngooknooxna a ƥeng. Kaa ƭaap pog, ndax da ndam wiin we.

Yeremi 20:16

Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

A kim a tedu ke 140:6

Ga’atinooxu weene a ƭaapanaxam mbog, a letnanaam xa ƥaak fo mbaal, ndax da ndamaam, a sipanaam mbiir na ƭat ale. A maaf

A kim a tedu ke 142:4

Wo o Yaal oxe, andaa me um jofaa, yaa njambaar es a ɓutna. Ɗaapaneem mbog na ƭat ale xotuuma.