Yeremi 18:21 - NQAARIIT NE ROOG

²¹ Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

Yeremi 18:21 Referans Kwoze

Amos 4:10

Yoɗaam piste, pictin a ndeer nuun, ne fi’it’anuuma no saax laa Misira, warnoor mbes ke nuun na xire, pis nuun a njaɓel, xa tal no yoon nuun a mbat a nuun xus nen ƈaq, ndaa dara teen taxee nu naang cook nomtooxiid me mi. Mi o Yaal oxe layun.

A ƭomatax ake 5:3

Xa baan axaa njegateerna faap i ndefu, ya ke in a ndefat ñaaw.

Yeremi 15:8

Fi’aam boo ñaaw we den a ngup o may pep ke no lanq ke no maag ole. Njoloor o mbuc hebliidaam o yaayaq took ya ke no mbes ke, joor took den ndak fo ndak o njaaxɗataand fo diid.

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

A cangatin ale 32:25

No ped ke xan laƥ a ñaam a den, soo kam pind ke diid a war a den. Neene a refkaa no fes ole fo o toog oxe, no nqeq onqe nen o nogoy oxe.

A sutax ale 22:24

Boo nu ƥandna xaaliis oxaa fogna na xeet es, a ref o kentand nuun soo a rool, ba nu ndabdinoorin ne lakas we na ndawnitaa a mbi’tan, ba nu laacin ndimand ngupu.

2 Timote 4:14

Aleksaandar o paal o tafax oxe a fi’axam ƭomu, ndaa xan o Yaal oxe a rabdin a pi um.

Yeremi 12:3

Wo o Yaal oxe, andaxamo, kaa o ga’axam soo horooxaa xeeñ es paam of. Sayi soxodu we nen paal kaa na ƥiseel no warand, kesan a den bes fee na saŋik ale.

2 Caloori ke 36:17

Maaga, o Yaal oxe a inaniida a den o maad oxe no Kaakalde we, ta gar a warit mbes ke laƥ kam mbind tedu ne. O Yaal oxe yirim’ee o fes mbaat o toog mbaat o maak mbaat oxaa fuumna, ndaa a ɓoxota fop na xa ƥay um.

1 Sami’el 15:33

Sami’el a layaan ee: «Ne laƥ of a sambranditna rew fo xa ƥiy den, neene ya of a sambranditkeel itam fo o ƥeem.» A ɗega a Agag teɓ-reɓ mbaambir no Yaal oxe kam Gilgal.

A kim a tedu ke 63:10

We mbugna o njang o ñis es koy, xan a saŋkoox, a mbudoox boo no qooƭ ke no lanq ke.

Esayi 9:17

A woora yee, kañaan ne xan a dox nen takar-ñiig fo tomb kaa fiɗel a raaɓaa. Xan a kaƥ nen o ñaay olaa na raaɓaa suungaan niɓu, soo a fi a eel fo suun akaa na yoɗooxaa.

Esayi 13:18

A qali ke den xan a luƈit mbes ke. Mbuuskee xa qeq axe too yirimkee xa caaƈ axe.»

Yeremi 14:16

Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

Yeremi 15:7

Pasaraam a den boo no cat ke no saax le nen oxaa na baacaa fo ndal. Xañtaam a den xa ƥiy, saŋik xeet es, yaam mbesee a ƭat den a cinj.

Yeremi 50:30

Ten taxu o Yaal oxe kaa tee: «Mbes ke ten xan a yen no paayo ke ten, xiixire we ten fop a saŋkel a koom.

A ƭomatax ake 1:15

O Yaal oxe a deɓa xir say we mi fop ndeeƭna a ndeer es. A fokatanaxam a yaj no xiixire, ndax ta saŋik mbes ke mi. Ne xa biiñ a nduutteel no nirir, neene o Yaal oxe a duguñtaxam, mi Yeerusaleem fee o ƥiy o ndew Yudaa.

Heseki’el 16:38

Xam hate’tong ne rew seeseeq we a ngate’teel fo we na ƥaxaa fo’oy, too xam ɓax fo’oy of kam fuux ɗomu le fo kam naal es.

Heseki’el 22:25

Duleer we ten kaa ngukraa a ndeer um nen njogoy naa na ŋuuraa, a listaa mbuufuɗag um. Kaa da listaa wiin we, a njaɓaa kalal ke fo tig oo tig ke njegna o njiriiñ. A mayƭanda teen ñaaw we.

A kim a tedu ke 63:11

Xan a mbartel laƥ, a ndefik muud xa ƥox-a-koƥ axe.

Esayi 9:16

Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.