Yeremi 18:19 - NQAARIIT NE ROOG

¹⁹ Maaga, xeɗaam ee: «O Yaal oxe, rungi nof of no ke um layaa soo nan-giloox ke fañ es a layaa na mi!

Yeremi 18:19 Referans Kwoze

Nehemi 6:9

Den fop koy, a njeemooga o ndiidland a in, a layaa yee: «Xan xa ƥay den a ƥoloox, too calel ke mbi’kataand.» «O Yaal oxe, saƭakinaam no far es!»

Mise 7:8

Nuun fañ in, ba nu mbelakinoox na in! I yenangaa sax oo, xan i inooxatin. I ndefangaa kam o niɓaan ole, xan o Yaal oxe a meleƈin a qoolaand um took in.

Yeremi 20:12

O Yaal oxe Hupna fop wo andu oxe jofna, horooxaa a pug fo a qalaat a ƭasu ke. Xam ga ndabdinax of took den, yaam wo doxnum nqeloor es.

A kim a tedu ke 109:28

A mbugoo saloox, ndaa wo o mat kaa o barke’aa. A mbuga yoo inooxanaam, ndaa xan a sed, mi fee o tag of o mat, um ref no ɗaay.

A kim a tedu ke 109:4

Ke fexuuma a den fop oo, kaa njambaxam, ndaa yaqanee um ref no xeɗaa doŋ.

2 Maad we 19:16

O Yaal oxe, rungi nof of, wet a kid of, ɗeet too nan-giloox xa ñuxur axe Sanxerib a lulitna, ndax ta wentong a den, wo fee refna Roog fa ñoow jok fee.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

A ƭomatax ake 3:59

O Yaal oxe, ga’aa paaxeer ke dooneema. Ɓoxotaam ɓur boog!