Yeremi 18:18 - NQAARIIT NE ROOG

¹⁸ Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

Yeremi 18:18 Referans Kwoze

A kim a tedu ke 52:2

Kaa naxooxaa ngenar ne Doweg, o Ee-edoom oxe, ye oxeene a hoƥattiidna me Sawul ee Dawid kaa ret’u maa Ahimelek.

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

Yeremi 11:19

Mi, kaam nand’u nen o mbaal o yooɓu nqaa na ɓiseel no warand. And’iim muk ee mi a ngiɓanu o ngir, a layraa a ndeer den ee: «Fat i maaf ndaxar nquƥu sap ne, mbatnin no lanq ke no ñoow we, ndax gon um wetandooxkataand muk!»

Yeremi 18:11

Ndiiki koy, layi wiin we Yudaa fo we ngenna Yeerusaleem ee: Keeke o Yaal oxe a layu: Mexe fexeyanaa a nuun taamaala, yuuɓanaa a nuun yuuƥ paaxeer. Fat oxuu refna na nuun a fes a ƭat a paaxeer um a cinj. Njagandatinyo a ƭat nuun fo a pi nuun.

A kim a tedu ke 21:11

Xan o saŋik o qeet den took lanq ke, o ax den a mooc a ndeer pindeef ke.

Yeremi 43:2

Asariya fee o ƥiy Hosaya, Yohanan fee o ƥiy Kare’a fo goor felnooxu we fop a laya a Yeremi yee: «Ke o layaa jegee, o Yaal oxe Roog in lulirang o lay a in ee i mbaree o ndet Misira, ndax i laqook maaga.

Xa peƭit axe 18:21

Ɗelem saqu o ñoow fo fa nqon. Oxe fexna layaa xan a buq o gaf ole na fa lay um.

A kim a tedu ke 64:3

Guutatirandaam fo faan le no soxodu we, a yaj ale na combolaa, a mbi’aa njofaƭar.

A kim a tedu ke 57:4

Yaasam ta heblantiidaam na asamaan oxaa muclaxama, a sednoor we na ŋaalooxanaxam! A maaf Yaasam Roog a hebliid o mbeq um fo ngor um!

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Esayi 32:7

O naanax oxe ƥonax qaƥu a jegu. Kaa ɗaapaa yuuƥ paaxeer, ndax ta gefit o ndool onqe xa maaƥ soo a xañtin ɓur um.

Ke bindeena no xe ne’eena YOB 5:13

Kaa damtaa laxasu we o ƴiƴ den, yuuƥ ke no waane’u we a kasaara’ooxaa.

1 Maad we 22:24

Ndak fo ndak, Sedekiya fee o ƥiy Kenaana a matiida a Mikaya, a faɗin soo a layin ee: «Nam Yiif le no Yaal oxe a sutoortu na mi soo a gar a lay fa wo?»

2 Sami’el 17:14

Absalom fo goor we Isra’el fop a laya yee: «O as ole Husay, o Aa-arki xe moƴu ole Ahitofel.» O ga’angaa keene koy, o Yaal oxe kaa heboox’u o kasaara’in o as o faax ole Ahitofel, ndax ta doon a Absalom naqad.

2 Sami’el 15:31

Ye Dawid a yegneena yee Ahitofel a foga no we ngiɓna fa Absalom o ngir, ndax da njiƭit maat ne, a laya yee: «O Yaal oxe, koo fi’i boo xa as axe Ahitofel ƭaxkee tus.»

A paɗax ale 10:11

soo njangin Ii-isra’el we kebil ke o Yaal oxe a cooxna a den fop na pexey Moyiis.»

YEGIL MBAAX NE YEESU ne Saŋ a bindtuuna 9:40

Yaa leng-leng no Farisiya we ndeeƭna fo ten a nanna kaaga, a layaan ee: «Kaa o bug o lay ee kaa i mbuul.»

Yeremi 26:11

Maaga, saasadax we fo duleer we a laya kelfa ke fa xeet fee fop ee: «O koor oxene kaa war o maalel fa nqon! Nu nanooda fo nof nuun, ke ta layna took teeru fene.»

YEGIL MBAAX NE YEESU ne Lik a bindtuuna 11:45

O leng no jaajangin maak waa no kebil kaa a layaan ee: «O Caajangin oxe, o naagangaa o laytaa neene, kaa o wenaa a in itam.»

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Yeremi 8:8

«Nam nu mbaagu o layit ee: ‹Yaal-o-and i ndefu, kebil ke no Yaal oxe key fa in›? Yaam no ndigil, a pindir ale no jaajangin we no kebil ke a naɗa kebil ke no Yaal oxe.

Yeremi 18:19

Maaga, xeɗaam ee: «O Yaal oxe, rungi nof of no ke um layaa soo nan-giloox ke fañ es a layaa na mi!

Yeremi 20:10

Nanaam wiin mayu a layaa paaxeer na mi, a lastitaxam ee «Diid le xey muu refna». Leng we kaa layaa yee: «Fat nu ngoƥattin», lakas we yee: «Iyo, fat i ngoƥattin». Fop we jamoor’uuma sax kaa ngorooxaa na mi o njuumte nqe moƴna o neew, a layaa yee: «Xeƈa xan a yen me ta ɗaapaneena, soo i ndamin, ndabdinoox took um.»

Yeremi 37:13

Ye ta fadiidna no Ndokand ne Bensame, a xeta maaga fo o aa-adax oxe no yeeyetax we ne’eena Yiriya, a ref o ƥiy Selemiya fo o ndaan Hananiya. A dama o tuleer Yeremi, a lay ee: «Maa no Kaakalde waa o jofaa!»

Heseki’el 7:26

O njakad kaa reef took o njakad, o nan o feleer fo o gend um a ndeepatir. Kaa da ƭeetnooxaa me no tuleer, ndaa a cangin a katu no saasadax a naaga mes, o as o inooru na koorgi a ɓoow jang.

2 Caloori ke 24:21

Maaga, a ngiɓanaan o ngir, a mbartin a kac took kebil no maad oxe kam o maax ole no Mbind ne no Yaal oxe.

Yeremi 1:19

Xan a ñoxor fa wo, ndaa mbaagankirang o sep, yaam mexey fa wo, ndax um watong.» O Yaal oxe layun.

Yeremi 44:16

«Ke o layaa fa in no gon no Yaal oxe fop oo, i nan-gilooxkirang.

A ƭomatax ake 3:62

Fa lay no fañ es fo yuuƥ ke den na mi a njagnu ñaal oo ñaal.

Mise 3:6

‹Ten taxu, nuun duleer we, xan nu ndef no yeng, too nu mbeeñooxkataand! Xan nu ndef no niɓaan, too nu ƭeetkatee!› Xan njeeƈ ne no duleer weene a mud, ñaal den a ref o niɓaan.»

Mise 3:7

Maɗag we xan a sed, ɗeet we a seeƈaar. Den fop xan a lupandoox, yaam Roog jaaɓkatee a den.