Yeremi 18:16 - NQAARIIT NE ROOG

¹⁶ Neene, a ƥeka saax le den no tas fo no calat boo kili. Fop we na ƥeeraa teen a njaaxɗa, a mbulaa a qoox.

Yeremi 18:16 Referans Kwoze

A kim a tedu ke 22:7

Mi koy, liitoot refum, refatiim o kiin. Wiin we kaa mbenaxam, xeet fee fop a nqeefaam.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 19:8

Xam ɓek teeru fene no tas fo no calat. Oxuu joonna paam um xan a diid soo a wuuƴ, yaa ta ga’kaa yaq fee ten fop.

Mace 27:39

Dak-a-faaf we kaa mbenoogun, soo a mbulaa a qoox,

Mise 6:16

Kaa nu ndeefaa o jaf Omri, laalaa a pesoorooƭ ake Ahab fee o ƥeem fo xa taan um fop, ndeefaa xa as den. Ten taxu xam ɓoxot teeru fee nuun, ta gefel, soo nuun we ngenna teen, um fi a nuun calat. Xan nu nqeefel a ndeer qeet ke fop.»

Yeremi 50:13

Fuux le no Yaal oxe xan a tax genkataand, a wootat ne te fodeena fop. Fop we na ndeefkaa paam Babilon xan a njaaxiɗ, a mbuuƴanaa yaq fee daluuna.

Yeremi 49:13

Mi o Yaal oxe mexe daaɓoortan a xoox es ee Bosra, teeru fa maak fee wo, xan a wootat, a niwaƭarel, a fes a pec, a saloorteel. Teeru ke ta waxooxna fop itam, xan a mbes a pec boo faw.»

1 Maad we 9:8

Xan Mbind nene a refat juum kefatin, too fop we na ndeefkaa a paam um, xan a njaaxiɗ, a mbuuƴ, a laamtooxaa yee: ‹Xar taxu o Yaal oxe a fi kene saax lene fo Mbind nene?›

Mark 15:29

Dak-a-faaf we kaa mbenoogun, soo a mbulaa a qoox, a layaa yee: «Heey! Wo fee bug’ina o gef Mbind Roog ne, soo maxatinin no ñaal tadik,

Esayi 37:22

Nan-gilooxi xa ƭelem axe layuuma no kaa jofna no ten: Siyoŋ, o njaaƈ o ndoog onqe kaa xeefong, a xaadnooxang, Yeerusaleem fa mosaan fee a jalang, a wulaa xoox.

Heseki’el 12:19

Fat o lay we ngenna no saax le yee: Keeke o Yaal oxe na refkaa boo faw a layu we ngenna Yeerusaleem kam lanq ke Isra’el: ‹Xan da ñaamaa fa naqad soo a yeraa foofi fo caƭar. Xan saax le den a raad, a ñak fop yaam ngiin fo’oy ne no we ngenna teen.

Heseki’el 6:14

Xam doon o ɓay es took den, fi saax le a moƴ o woot, soo a moƴ o raad, a xotit na koƥ-a-ƥor ale boo Ribla, me da ngenna teen fop. Maaga, xan da and ee mi refu o Yaal oxe.»

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

A kim a tedu ke 44:14

Kaa o xaƴ a in ngentand ne a mbenaa a in, we mbidna a in a nqaadnooxaa a in, i ndef calat den.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

A cangatin ale 28:59

xan o Yaal oxe a xawit a nuun, nuun fo xa taan nuun, taamaala maak kaa na miñkaa fo a cir a ƭomu kaa mbodkeerna.

A paɗax ale 26:43

Kaa koy, xan saax le a eet o fes a pec, a woot, ndax lanq ke a ndondand a ñootnax ake den. Xan da ndabid njofaƭar den, yaam kaa da mbañ bargal es soo a mbasnoox kebil es.

A paɗax ale 26:32

Xam gef saax le nuun boo fañ we nuun na njaɓkan sax, a njaaxiɗ.

A kim a tedu ke 109:25

Kaam refat benel den, owaa nga’axam, a njiiƭaxam.

Yeremi 42:18

Yaam keeke o Yaal oxe Roog fee Isra’el Hupna fop a layu: ‹Ne fuux es fo o say es a njuumoorna took no we ngenna Yeerusaleem, neene a yenitkaa took nuun, nu ndetangaa Misira. Xan nu ndef saloor fo o njaq, qeefel fo cednooxu, too nu nga’katee saax lene muk.›

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Yeremi 48:27

Wo Mowaab, ndax Isra’el reeƭee calat of? Ndax kaa mosel o soƥ a ndeer no guuɗ we, boo a tax a mbanuu o ne’an o wulaa xoox?

Yeremi 49:17

Edoom xan a wootat, fop we na ndeefkaa paam um xan a njaaxiɗ, a mbuuƴanaa yaq fee daluuna.

A ƭomatax ake 1:12

«Nuun um laytaa, nuun fop we na njoonaa mene! Ƭeetyo too ngoroox a paax! Ndax a jega o ƭomel olaa nandna fo ole mi, fodna fo ole fadeema? O Yaal oxe a fi’axam ƭomu a koom alaa fo fuux ɗomu le ten.

Heseki’el 27:36

Jula we a ndeer qeet ke xan a mbuuƴanang. Kaa o refat kaa na diidlandaa, refkatiro tus boo muk.»

Heseki’el 36:3

Ten taxu jo’tanaam a den ee: Keeke o Yaal oxe na refkaa boo faw a layu: Feek nu ngefe tuƈ o saax oo saax, yuxmel ndax nu ndefat o jeg no qeet lakas ke, mbaxnel xa ñuxur xa benir,

2 Caloori ke 29:8

Maaga, fuux le no Yaal oxe a biltooxana a Yudaa fa Yeerusaleem, ta deɓ xeet um kam naqad ke, da ndefat no diid, a nduudnel, a ndefat calat ne nu nga’oodtuuna.

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Yeremi 51:37

Babilon xan a refat juum kefatin, ngenand xa ƥox-a-koƥ. Xan a refat o njaaxɗataand fo qaadnooxel, too o leng genkatee teen.

Yeremi 51:43

Teeru ke ten a ndaadne, a ndefat lanq beeru koroŋ fo o tan maa o leng a genateerna, maa o mbindeef a reefateerna.