Yeremi 18:15 - NQAARIIT NE ROOG

¹⁵ Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 18:15 Referans Kwoze

Yeremi 6:16

Keeke o Yaal oxe a layu: «Ngeenooxyo ƭeet me nu nqotaa, laamit a qal ake yaaga. Mbaaƭyo a ƭat a paax ale soo ñaaƴ teen. too xan o laaw nuun a ñootnoox. Kaa koy, nu ndoona yee: ‹I ñaaƴkee teen.›

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Esayi 57:14

O Yaal oxe kaa tee: «Nqendandyo a qal ale, ngolit a ƭat ale, ƭiqit a panq ake mbodna xeet es mbaambir.»

Malaki 2:8

Nuun o mat, kaa nu ƭap a ƭat ale, a cangin nuun a ruuxnoor wiin mayu a koƥ. Kaa nu ƭeg ngiɓoor ne hiɓ’uuma fa Lewi, mi o Yaal oxe Hupna fop.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 10:15

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Esayi 41:29

No ndigil, den fop ndefee tus, too a pi den xa koɓong oo. Xa taaƴ axe den nqeñ ƥor fo xa koɓong a ndefu.»

Mace 15:6

yaaga soxla’katee o niw a faap um mbaat a ya um.› Neene nu ñuftaa fa lay fee Roog yaam o mbaax onqe nuun.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Yeremi 13:25

Keeke refu muj of, wo Yeerusaleem, a las ale naqanoonga, mi o Yaal oxe, yaam kaa o weecaam soo hooloox xa maaƥ.

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

O leetar ole Pool a bindna GIMU WE NGENNA ROM 14:21

Ke faaxna refu o tuub a tegeƴ fo a yer a qaaɗu, waas fop ke waagna o maafnoor o pog of na bakaad.

Yeremi 44:25

Keeke o Yaal oxe Roog fee Isra’el Hupna fop a layu: Nuun fop, goor fo rew, nu mbi’a ke nu ndegitna. Kaa nu lay ee xan nu mbadin a tegit ake nuun, ta ref o ndoxan a Lingeer fee na asamaan cuuraay soo njuuranin. Ndamyo a paax boog ke nu layna, mbadin deŋ ke nu ndegitna!

Yeremi 19:5

A maxana a Baal a ñaang a sadaxand, ndax da ndoxanin teen xa ƥiy den xa koor nen sadax toxel, ta ref kaa heblit’eeruuma, layit’inum too mos’inum o xalaat sax.

Esayi 62:10

Sutooxyo, ndeef na xa ton-maax axe! Mbodrandanyo xeet fee a ƭat, njagand a qal ale, mbatin a kac ake soo sipan qeet ke a laay a anddiloor alaa na ɗoxaa a den.

Esayi 9:16

Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.

Esayi 3:12

Raarawnit we na ñagadilaa xeet es, soo we na sertaa o lad a maadooxaa took den. Wo xeet es, ɗooɗox of kaa mo’andang soo a nqotnoorang a ƭat a paaxeer ale.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Esayi 65:7

Mi o Yaal oxe, mexe layan ee: Xam rabdandoor tooñ den fop fo tooñ ke no daan den, den we ndoxoogna cuuraay took xa coong axe, a mbenaxam took a ñaang ake. Neene, xam rabid a den a pesoorooƭ den ale yaaga too hendkiim teen dara.»

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 18:14

Ndax nu mosa o nga nees fee a wat na ƥil a koƭu took ake Libaŋ? Ndax nu mosa o nga poofi ke na inoortiidaa koƭu, a ƥuuɓ yem, a nqayaa, da ŋiisaa? Ha’aa.

Yeremi 51:18

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.

Heseki’el 21:15

A bar o mat taxu ta lakel, o meleƈaa a tax ta seesel. Ndax i mbaaga o mbelakinoox no samb ole no maad oxe o ƥees? Laƥ ne kaa xeef o loq oluu refna.

Heseki’el 36:15

Nannoorkatiroong a ben ake na saax ake, too roxondooxkatiro o niwaƭarel ole no qeet ke. Salaxkatiro xa ƥiy axe na xeet of. Mi o Yaal oxe na refkaa boo faw layun.»

Hoose 2:6

Yirimkiim xa ƥiy axe ten, yaam xa ƥiy xa timte no njaga a ndefu.

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

Nehemi 9:17

a mbañ o nananong, a mbeecit comlaand ke fi’anoona a den. Kaa saƭik a qoox soo kam siiknoor den, da njilan a qoox den o aa-adax, ndax da nomtoox no mbaƭ naa den. Wo o mat, Roog faa na waasantaa refo, faa yaajna kam too may yirmande, faa na muñantaa too may fo o mbeq. Waasiro a den,

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Yeremi 11:12

We ngenna no teeru ke Yudaa fo we Yeerusaleem xan a ƈufginook roog ke da ndoxanaa cuuraay, ndaa mbaagkee o mucil a den yaa fa taamaala fee den.

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.