Yeremi 18:12 - NQAARIIT NE ROOG

¹² Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

Yeremi 18:12 Referans Kwoze

Yeremi 2:25

Wo Isra’el, wootooxi ndik o ñaaƴ a caf a ƥor, wootoox a peep of a weer kaŋ! Kaa koy, kaa o doon ee: ‹Ha’aa, waasaam! Fexaam roog can ke too faw um reef a den.›

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

Yeremi 16:12

Nuun koy, nuun moƴu o mbi paaxeer daan nuun. Oxuu refna na nuun oxey a xoxa no saƭik xoox um, a fañ o nan-gilooxaam.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Esayi 57:10

Ñaaƴaa ñaaƴ boo naag laƈ, ndaa taxee o lay ee: ‹Kaa foosnooxat.› Maadaa maad o jegaa doole rek, ten taxu xijiro.

YEGIL MBAAX NE YEESU ne Lik a bindtuuna 1:51

A fi’a a pi katil fo a naax um, a pasar we magnandooxna na qeeñ den.

Yeremi 3:17

Maaga, Yeerusaleem xan a xoyateel ‹uum-maamaad le no Yaal oxe›. Qeet ke fop xan a mbokatoor Yeerusaleem, ndax da mbaɗoox o Yaal oxe, too xan a mbaas o nqox no saƭik xoox ole den.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Heseki’el 37:11

A layaxam ee: «Wo fee o ƥiy no kiin, xa kiiƈ axeene mbind Isra’el fop oo. Den oo weene a ndamtin ee: ‹Xa kiiƈ axe in a mbeera korong, yaakaar in a yaktoox, i mbagiɗ tak.›

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Yeremi 23:17

Kaa ngen no layaa we nqeefaxama yee: ‹O Yaal oxe kaa tee: Xan nu njeg jam.› Kaa layaa fop we na ndeefaa o saƭik xoox ole den ee: ‹Paaxeer leng dalkee a nuun.›

Yeremi 11:8

Kaa koy, nan-gilooxee, ndungee nof den. Kaa nqox no saƭik xoox o faaxeer ole den. Maaga, fadnaam took den a maƭax es fop, yaam ndeefee bargal ke no ngiɓoor neene hebil’uuma a den.»

2 Maad we 6:33

Ye Eliise a maadna o layaa, o maad oxe a fadiida soo a lay ee: «Sabab fene fop o Yaal oxe ɓisiidun a in! Xar waagatum o yaakaar no ten boog?»

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Malaki 3:14

Kaa nu layaa yee: «O faɗoox a Roog kasaara yoo. Kaa i ndeefaa bargal ke ten, ñaaƴaa fa naqad mbaambir no Yaal oxe Hupna fop, ndaa jiriiñee a in dara.

Esayi 65:2

No ñaal ne fop, kaam letin xa ƥay es farna fa xeet faa nanaƭarna, a ndeefaa a ƭat a paaxeer, a mbi’aa ke felna a den.

Yeremi 6:17

Dalnanaam a nuun yeeyetax waa maƭooxna a nuun ee: ‹Nan-gilooxyo fangax le na luuƥ ale.› Kaa koy, nu ndoona yee: ‹A ƭat in yongee teen.›