Yeremi 17:8 - NQAARIIT NE ROOG

⁸ Kaa nand nen ndaxar njimbe paam poofi, a joobnaa a paƴ um farna fo a ƈufnand ale. Saɗaree yaa a sumaan ale a garna, soo saqit um a gen no neepaa. No hiid o feñ sax naagee jaaxɗaa, too kaa gen no rimaa.

Yeremi 17:8 Referans Kwoze

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

Esayi 58:11

O Yaal oxe xan a ref o ƭooɗox of kili. O refangaa kam ee kam a koƥ-a-ƥor ale sax, xan a ñaamnong boo wee tem, soo a ɓaatong doole. Xan o nand nen a ƭing alaa sooreena boo sap, nen a mbeel alaa ŋiiskeerna.

Heseki’el 47:12

Na ƈufnand ale na ƥeeraamb ake ten, no saax oo saax xan taxar tiirim kuu ndefna a sax teen. A naf den leeƥkee muk too ñakkee xa tim. Xan a ndimaa o nqool oo nqool, yaam poofi ke ten xan a sutooraa no Mbind Roog ne. Xa tim axe den xan a ndef ñaamel, a naf ake den a ndef teex mbaadnoor.»

Ke bindeena no xe ne’eena YOB 8:16

Kaa ref nen ndaxar naa mayna fo goon no njeeƈ ne, a letnaa a naaq um, da yooroox a ƭing ale.

Ke bindeena no xe ne’eena YOB 29:19

um ref nen ndaxar naa a paƴ um a ndaawaa foofi le, liim le a fe’aa na naaq um,

Xa peƭit axe 11:28

Oxe gaɗna o ñoow um na halal um xan a jiƭtoox, jofu we mat xan a neq nen ndaxar neepu.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Yeremi 39:18

A woora yee xam muclong, too laƥ ñaamkirang. Xan o mucil o ñis of tan-tan, yaam hoolooxaxamo. Mi o Yaal oxe layun.› »

Heseki’el 31:3

Ga’angi, Asuur kaa nandtoogu ndaxar seedar kam Libaŋ, a naaq a mosu, suungaan tigi laa jegna yook. Geel um kaa jigid’u, soo o jul ole ten a naag lawlaw a ndeer kol niɓu.