Yeremi 17:6 - NQAARIIT NE ROOG

⁶ Kaa nand nen ngol kam o tan, too ga’kee baneex a garaa muk. Xan a gen no fo mbiñ fo ndoxu ne na koƥ-a-ƥor ale, no lanq qanju, maa o leng a geneerna.

Yeremi 17:6 Referans Kwoze

Ke bindeena no xe ne’eena YOB 20:17

Doonkatee a ngid diwliin fa mbagkatar fee, ga’katee suum ke fo kagin ke naang’ina gañ.

A kim a tedu ke 1:4

Ndaa ey, soxodu we! Kaa nand nen ñaax laa nqeñ ne a yetnaa.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Yeremi 48:6

‹Ƈufyo, mucil o ñis nuun, nand fo o faam-a-koƥ kam a koƥ-a-ƥor!›

Ke bindeena no xe ne’eena YOB 39:6

Kaam fi ta gen no tan ole, a ñoowaa no lanq cemu.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Haahate we 9:45

Abimelek a songa teeru fee no ñaal ne fop soo a jaɓin. A wara we ngenoogna taaga, a gefin tuƈ soo a sulin fo jem.

Heseki’el 47:11

A kal ake ten fo a paas ake ten maasandkaand, xan a nqaƴanel fo jem ole.

Esayi 1:30

yaam xan nu nand fo mbudaay naa ɓoorooxna boo a naag sarang mbaat nen a ƭing alaa jegeerna o mboofi.

A kim a tedu ke 92:7

O ƭof oxe andee teen dara, fanxoy fee waagee o dam teen tus.

2 Maad we 7:2

Jawdiin fee no maad oxe a doona o kiin Roog oxaa yee: «A soƥangaa sax ee o Yaal oxe kaa wet xa palangteer na asamaan, foogaa moos ee xan kaaga a jeg?» Eliise a doonaan ee: «Xan o ga’in fo a kid of, ndaa ñaamkino.»

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Yeremi 29:32

Ten taxu, mi o Yaal oxe, xam xaw a Semaya fee genna Nehelam fo xa taan um. O leng na den genkee a ndeer xeet fene too ga’kee paax ke um fi’ankaa xeet es, yaam Semaya kaa riñ xeet es da siiknoor fa mi. Mi o Yaal oxe layun.› »