Yeremi 17:5 - NQAARIIT NE ROOG

⁵ Keeke o Yaal oxe a layu: «O koor oxe hoolooxna o mbindeef, ngeƈnooxand um ta gaɗin no njer, soo xeeñ um a fes o Yaal oxe a cinj, a salooxe.

Yeremi 17:5 Referans Kwoze

Esayi 2:22

Mbaasyo ngoolooxaa o kiin oxe o ñoow um a hapeena no haaƭ soom. Ndi xar refu o njiriiñ um?

2 Caloori ke 32:8

Ten koy, doole no kiin soom a yaakaaru, in o mat o Yaal oxe Roog in na dimle’kaa a in, a damit a in na ñoq ale.» Fa lay faaga na Hiskiya fee o maad Yudaa a saƭakina xeet faa.

Esayi 36:6

Andaam ee yaakaariro dara a refangeerna Misira, jaj ɓolooxu leene na dibaa boo a yul o ɓay no xuu damlooxna teen. Neene mat Firawon fee o maad Misira a nandu no fop we ngoolooxuuna.

A kim a tedu ke 62:9

Nuun xeet fee, ngoolooxeenoo na waxtu fuu refna, ndoxneenoo ke fidna a nuun. Roog refu njaɓnooxand in. A maaf

A kim a tedu ke 18:21

O Yaal oxe kaa rabdaam o cofel es, a saɗgaam na pesoorooƭ es a paax.

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Esayi 59:15

Ii, ndigil ne a sooƴa, too oxe na jeemaa o gore xan a ɗegooxel. O Yaal oxe a ga’a a paax fop ke xew’ina too jaɓee muk o cofel ole a uupel.

2 Caloori ke 16:12

No hiid qarɓeen tadik fo ɓetuu nahkandeer ole no maat um, jir ɗomu a damaan na caf. Ke jir le a ɗom’ina fop oo, taxee ta waaƭ o Yaal oxe ndax a ƴufginook o baawaadin.

Esayi 20:5

Maaga, we ƭag’ina yaakaar den na Kuus fo we mbi’’ina a Misira qaaƴoor, xan a ndiid soo a sed.»

Yeremi 11:3

Fat o lay a den ee: O Yaal oxe Roog fee Isra’el kaa tee: O kiin oxe gaykeerna bargal ke no ngiɓoor ne mi a salooxe!