Yeremi 17:3 - NQAARIIT NE ROOG

³ fo xa coong axe kam a koƥ ale. Kalal ke nuun fo o jeg nuun fop, xam ci’it a den da njaɓel, den fo a ñaang a sadaxand ake nuun, yaam pakaad ke nu mbi’na kam o fiisel ole nuun fop.

Yeremi 17:3 Referans Kwoze

Yeremi 15:13

Wo Yudaa, xam ci’it o jeg of fa halal of na meere-meere, yaam pakaad ke fi’oona no fiisel ole wo fop.

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Heseki’el 16:39

Xam ɓoxotong na xa ƥay den. Xan a mbayit mbind njaga’ir ne wo, a yaq taalaand ke wo. Xan a mbolong ƭuc, a njang kelax ke wo soo a nqaƴong o ƥor, o yoq ƭuc.

Heseki’el 6:3

Fat o lay ee: Nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu xa coong axe fo a ñaang ake, a kamb ake fo a yulanq ake: Mexey! Mexe hebliidaa xire fee took nuun too xam yaq a ñaang a sadaxand ake nuun.

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.

Yeremi 12:12

Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

Yeremi 20:5

Xam ɓoxot na xa ƥay no fañ den kalal ke no we ngenna na teeru fene fop, o rim ole no jale den fop, ke da njegna ta moƴ o faax fo a kamba ke no maad we Yudaa fop. Xan a njaɓel, a njangel soo a ƥisel Babilon.

Sofoni 1:13

Kalal ke den xan a njaɓel pind den a ngefel. A maxangaa pind sax oo, ngenkee a den, too a njimbangaa a ƭing taxar biiñ, yerkee biiñ fee.»

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Heseki’el 23:46

Keeke o Yaal oxe na refkaa boo faw a layu: «Fat faan maak a ngaran a den, da ƥoxotel diid le, o jeg den a waltel.