Yeremi 17:26 - NQAARIIT NE ROOG

²⁶ Xan wiin a inoortiid no teeru ke Yudaa fo me widna a Yeerusaleem, no jegel ole Bensame, no le na yulanq ake, no le na xa coong axe fo no ɓemb-roog o ñamaak, a ƥisiid kam Mbind ne no Yaal oxe sadax toxel, sadax lakas, sadax tuufe-duufe fa cuuraay, a ƥisiid o Yaal oxe itam sadax fa ngidmir.

Yeremi 17:26 Referans Kwoze

Sakari 7:7

Ndax keene refee fa lay fee o Yaal oxe a layna a reefandin no duleer we yaaga, ye Yeerusaleem a geneena too a ref no yaadax, ten fo teeru ke mbiduuna, soo o jegel ole no ɓemb-roog o ñamaak fo ole na yulanq ake a ngenel itam?

Yeremi 33:13

Kam teeru ke no jegel ole na xa coong axe, kam teeru ke no jegel ole na yulanq ake, kam teeru ke no ɓemb-roog o ñamaak, no saax le Bensame, me widna a Yeerusaleem fo kam teeru ke Yudaa xan a ked ake a ndeefahin teen no ɓay no kaynaak oxe na limaa a den.» O Yaal oxe layun.

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

A kim a tedu ke 107:22

Fat da ƥoxotin sadax fa ngidmir, a mbetandit ke ta fi’na, a yoonandtin xa soroxole!

A kim a tedu ke 116:17

O Yaal oxe, xam ɓoxotong sadax fa ngidmir, lambnaa gon of.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

Hebre 13:15

Na pexey Yeesu, fat i ngen no simataa a Roog, ta ref nen sadax in. Kaam ee, fat i ngen no simattan xa ton in.

Esdaraas 3:11

Kaa njaaɓanroogu, a nqaanaa, a simataa o Yaal oxe fo a ƭelem akene: «Yaam a faaxa, too o mbeq um na Isra’el xan a maadaa boo faw!» Xeet fee fop kaa njibnoogu xa buuq xa maak, a simataa o Yaal oxe yaam fer le no Mbind ne no Yaal oxe.

A kim a tedu ke 66:13

Mexey garaa no Mbind of, ɓislooxiid sadax toxel, fadniidaa a tegit es fa wo,

Yeremi 30:19

Xan a simat a yoɗoor a ndeer den, xa ƈeel no we na mbelakinooxaa. Xam mayƭand xeet es, too mbañooxkatee. Xam ɓoxot a den o ndam, too nqeefkataand.

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,