Yeremi 17:25 - NQAARIIT NE ROOG

²⁵ maaga, maad fo gelwaar den xan a ndeefit no tokand kene. Maad weene xan a moof no uum-maamaad le Dawid, a ñaaƴtaa a sareet-xire fo pis, gelwaar den a njengel a den. Wiin we Yudaa fo we ngenna Yeerusaleem xan a ndeefit itam no tokand kene, too xan teeru fene a genel boo kili.

Yeremi 17:25 Referans Kwoze

Yeremi 22:4

Yaam boo nu mbi’na keene no ndigil, yaaga xan a jegahin maad waa na moofkaa no uum-maamaad le Dawid, a ŋaay na sareet-xire fo pis. Xan a mbaag o ndeefaa no tokand ke no mbind nene, den fo dag den fa xeet fee.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

Hebre 12:22

Nuun koy, nu matiida o Joong ole Siyoŋ, matiid teeru fee Roog fa ñoow jok fee, refna Yeerusaleem aa-asamaan, matiid malaaka cuni-cuni. Nu matiida faan ɗaayu

Yeremi 33:21

yaaga ngiɓoor es fa Dawid fee o tag es a ɗegel itam boo jegkee o ndaan onqaa maadooxna took uum-maamaad le ten. Neene a refitkaa itam no ngiɓoor es fo Leelewi we ndefna saasadax we na ndagooxaxam.

Yeremi 33:17

Yaam keeke o Yaal oxe a layu: «O maad Dawid ñakkee muk o ndaan onqaa moofna no uum-maamaad le Isra’el.

Yeremi 33:15

No ñaal kaaga fo no camaane kaaga, xam looƴin no kurcala le Dawid dugatin jofu laa na ñaaƴinkaa a ƭat fo o cofel kam saax le.

2 Sami’el 7:16

O kurcala of fo maat of xan a maadaa kili mbaambir es, soo uum-maamaad le wo a saƭkandel boo faw.› »

Yeremi 22:30

Keeke o Yaal oxe a layu: «Mbindyo na safe ke no caloori ke no koor oxene nen oxaa jegeerna o ƥiy, nen oxaa o ñoow um a yaqooxna. O leng na xa taan um waagkee o moof took uum-maamaad le Dawid, a maadoox took Yudaa.»

Yeremi 13:13

Maaga, fat o lay a den ee: Keeke o Yaal oxe a layu: Nga’angyo, xam wayin nep fop we ngenna no saax lene, maad we moofna no uum-maamaad le Dawid, saasadax we, duleer we fo we ngenna Yeerusaleem.

2 Sami’el 8:4

Dawid a janganaan ŋaaŋaay pis juni fo ŋaaŋaay pis teemeed ɓetuu ƭik, fo xiixire ñaañaaƴ cuni qarɓeen ƭik. A ɗega xa tod axe no pis ke fop, a cinj ye ta kesna teen teemeed.

1 Sami’el 8:11

A laya a den ee: «Keeke refu ke helna o maad oxe na maadooxankaa a nuun: Xan a xotit na xa ƥiy xa koor axe nuun waa na ƈufnanan a sareet ake ten fo waa na mbugko ŋaayaa pis ke ten. Xan a jeg itam na den waa na mbugko ƈufaa, a ndendaa fo a sareet ale ten.

A cangatin ale 17:16

O maad oxe nuun waree o jeg pis mayu mbaat ta hebil wiin um da njikantikin Misira, yaam o Yaal oxe a laya a nuun ee nu mbaratee o nomtoox no saax leene.

A sutax ale 12:14

Fat nu mbetandooxaa koy bes feene, ta ref bes faa nu ndoofandanaxam, mi o Yaal oxe. Fat nu ndoofandan, ta ref nen kebil naa faafkeerna boo na xa taan nuun.»

Yeremi 22:2

lay ee: Nan-gilooxi fa lay fee no Yaal oxe, wo o maad oxe Yudaa fee moofna no uum-maamaad le Dawid, wo fo dag of fa xeet of, na ndoktaa no tokand kene!

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Yeremi 7:3

Keeke o Yaal oxe Roog fee Isra’el Hupna fop a layu: Ñaaƴityo too mbi ne warna, yaaga xam xaƴ a nuun nu ngen no saax lene.

Yeremi 7:7

yaaga, xam xaƴ a nuun nu ngen mene, kam saax le ci’uuma daan nuun yaaga boo fa ndiik fo boo kili.