Yeremi 17:23 - NQAARIIT NE ROOG

²³ Kaa koy, daan nuun nan-gilooxee, ndungee nof den, a saƭik a qoox, ndax nan-gilooxkiraam soo a mbañ a cangin es.»

Yeremi 17:23 Referans Kwoze

Xa peƭit axe 29:1

Oxe soqeena soo a maad no saƭik-xoox xan a duguñel ndak fo ndak, too jegkee ƈufig.

Yeremi 19:15

«Keeke o Yaal oxe Roog fee Isra’el Hupna fop a layu: ‹Xam atiid took teeru fene fo took teeru ke ta waxooxna fop taamaala ke regdinooxanuuma fop, yaam we ngenna teen kaa saƭik a qoox, a mbañ o nan-giloox fa lay es.› »

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Esayi 48:4

Ne and’uuma yee xeet fa nanaƭaru nu ndefu faa na siiknooreel soo a saƭik a qoox,

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Yeremi 35:15

Lultiidaam a nuun duleer we dag es fop, roog fuu feedna um luliid a den, ndax da lay a nuun ee: ‹Mbesyo a cinj a ƭat a paaxeer ale nuun, supit a pesoorooƭ nuun too ba nu ndeef roog lakas ke, ndax nu mbaɗoox a den.› Yaaga, xan nu ngen no saax le ci’uuma a nuun, nuun fo daan nuun. Kaa koy, nu ndungee nof nuun, nu nan-gilooxiraam.

Yeremi 7:28

Maaga, fat o lay a den ee: Nuun ndefu xeet fee nan-gilooxeerna o ñuxur no Yaal oxe Roog den, soo a mbañ a maƭax um. Ngor kaa xon faq me nuun, a mo mir na xa ton nuun.»

Yeremi 6:8

Wo Yeerusaleem, jaɓi maƭooxel, ndik um ɗegoor fa wo o kay, suptong a koƥ-a-ƥor, maa o leng a genateerna.»

Xa peƭit axe 8:10

Mbexyo aqatin es kupu xaaliis, o and ole a moƴan a nuun wurus fa sooraand,

Xa peƭit axe 5:12

«Xar taxu um sib fa yar fee, fañ xa soqanqol axe?

Xa peƭit axe 1:5

Xan a nqooɗin o and ole no cegu yiif oxe, a njootin o ƈiƴu xe no ñoow um.

Xa peƭit axe 1:3

ndax ta and ne ta warna o ñoowit no cofel, no woor fo na ƭat.

A kim a tedu ke 50:17

too a soƥa jaɓiro um yarong, soo o deɓ ke um layaa?

Haahate we 6:10

Mi o Yaal oxe Roog nuun, maƭooxaam a nuun ee ba nu saɗar roog ke no Aa-amori we nu ngenna no saax den, ndaa nu nan-gilooxee o ñuxur es.› »

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.