Yeremi 17:22 - NQAARIIT NE ROOG

²² Ba nu sutit no pind ke nuun toq na bes fee na ñootnax ale too ba nu njal teen dara, ndaa tedlandyo bes fee na ñootnax ale, ne heblit’anuuma daan nuun

Yeremi 17:22 Referans Kwoze

Heseki’el 20:12

Cooxaam a den itam pes a ñootnax ke mi nen o anddiloor a ndeer es fa den, ndax da and ee mi refu o Yaal oxe na tedlandaa a den.

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,

A sutax ale 23:12

Nu njega pes ɓetuu fa leng kaa nu ci’eena o mbi calel nuun, ndaa na bes fa ɓetuu ƭikandeer fee koy, nu mbara o ñootnoox, ndax qoox nuun fo xa paam nuun a njeg a ñootnax, soo xa ƥiy axe no jeefeer nuun fo xa kataakoon axe a ƥutnoox.

Mbeeñil 1:10

Yiif le Roog a gif’axam na bes fee no Yaal oxe, too nantaam a cinj es o ñuxur o maak olaa na jibaa, a fangoortaa nen a luuƥ.

YEGIL MBAAX NE YEESU ne Lik a bindtuuna 23:56

Maaga, a nomtooxa a mbaaƭik ƭuumooxel fo miir, ndax da nqendandtin o dal ole. No feet olaa, na bes fee na ñootnax ale, a ñootnooxa ne kebil ke a simtituuna.

YEGIL MBAAX NE YEESU ne Lik a bindtuuna 6:5

Cinj kaaga, a laya a den ee: «O Ƥeenqe no kiin oxe refu oxe hame’na bes fee na ñootnax ale.»

Heseki’el 22:8

Kaa o xeef fop ke tedlanduuma, maasandaa pes a ñootnax ke mi.

A paɗax ale 23:3

Pes ɓetuu fa leng mbare o njalaa, soo bes fa ɓetuu ƭikandeer fee a ref bes fee na ñootnax ale. Fat a jegaa teen o xet o tedu. Nu njalkee teen dara, yaam a ñootnax es oo, mi o Yaal oxe. Fat nu kesanaam o ten muu nu mbaagna o ngen.

A paɗax ale 19:3

Oxuu refna na nuun fat a niw a faap um fa ya um soo a gay bes fee na ñootnax ale. Mi refu o Yaal oxe Roog nuun.

Nehemi 13:15

Na jamaane fa leng kut faaga, ga’aam kam Yudaa wiin waa nduutoogna xa tim taxar biiñ kam xa nirand na bes fee na ñootnax ale, waa na ƥisaa a keeg, a sufaa sax biiñ, xa tim taxar biiñ, xa tun fo tig lakas kuu refna took xa paam, a ƥisaa a den Yeerusaleem na bes fee na ñootnax ale. Raagooxaam a den no ñaal naa da njikooxoogna cula den.

Yeremi 17:24

O Yaal oxe kaa tee: «Nu nan-gilooxangaam a paax, mbañ o ndoknit toq no tokand ke na teeru fene na bes fee na ñootnax ale, nu tedlandangaa bes fee na ñootnax ale too mbañ o njal teen dara,

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›