Yeremi 17:2 - NQAARIIT NE ROOG

² Neene, xa ƥiy den xan a mbetandoox xa sadaxand axe den fo xa taaƴ axe da lupanna a Asera paam taxar saqtu ke, took a ñaang a ciig ake

Yeremi 17:2 Referans Kwoze

2 Caloori ke 24:18

Neene, Ii-isra’el we a nqaƴa Mbind ne no Yaal oxe Roog fee no daan den soo a mbaɗooxaa xa taaƴ xa lupe xe Asera fo pangool lakas ke. Fuux le no Yaal oxe a biltooxana a Yudaa fa Yeerusaleem yaam tooñ neene da mbi’’ina.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Esayi 17:8

Ɗeetkatee farna fo xa sadaxand axe ta jaloodna too haankatee no ke ta fi’itna qol um mbaat na teex a lupe ke Asera mbaat no toxir qeeñe-xeeñe ke.

Esayi 1:29

Xan nu naang ɓot fa gaci, yaam ne nu mbaɗooxaa pudaay tedlande, soo sed na ƭing nuun akeene nu mbodandteerna dara,

2 Caloori ke 33:3

A maxatina a ñaang a sadaxand ake faap um Hiskiya a yaq’ina. A geennana a Baaliin xa sadaxand, a lupan a Aserayiin xa taaƴ, soo a gungaa mbaambir xa qoor axe na asamaan, a faɗooxaa a den.

Haahate we 3:7

Ii-isra’el we a mbi’a kaa faaxeerna na kid no Yaal oxe Roog den, a mbeecit o Yaal oxe Roog den soo a mbaɗooxaa a Baaliin, Aserayiin.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

2 Caloori ke 33:19

A qeƭ ale ten fo ne Roog a jaaɓtuuna, tooñ ke ten fo ngore’aƭar ne ten, fo mbiñ ne ta max’ina a ñaang a sadaxand ake, soo a lup maaga xa taaƴ axe Asera fo nitaal ke yaaga neewandooxafulee, keene fop kaa mbindel no «Safe le Hosay».

A sutax ale 34:13

Kaa nu mbar o njiƭit xa sadaxand axe den kañ, ngef a ƥil ake da mbaɗooxaa, soo yaq xa taaƴ xa lupe xe Asera fee da mbi’na roog den.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Yeremi 3:23

No ndigil, ke na hatiidaa na ñaang ake xa maaƥ xa ƥor oo, combol ɓor na fi’eel took xa coong axe. No ndigil, no Yaal oxe Roog in a muc ale Isra’el a refu.

A cangatin ale 12:2

«Fat nu moocand fo mbiñ ne qeet ke nu ndaxkaa a mbaɗoortoogna roog ke den, ta ref took xa cul axe na xa coong axe, took a ñaang ake fo yoora ndaxar saqtu nuu refna.