Yeremi 17:19 - NQAARIIT NE ROOG

¹⁹ Keeke o Yaal oxe a layaxam: «Reti fod me na xoyeel Ndokand ne na xeet fee, me maad we Yudaa a ndoktaa soo a sutooraa, fo no tokand ke Yeerusaleem fop.

Yeremi 17:19 Referans Kwoze

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

A pi ake 5:20

«Ndetyo moof no Mbind Roog naa, yegin xeet fee fa lay fuu jofna no ñoowooƭ olene.»

Yeremi 36:10

Maaga, Baruk a janga kam Mbind ne no Yaal oxe mbaambir xeet fee fop fa lay fee Yeremi bindeena no laxas safe le. Oxe geenoox’a na ndok ale Gemarya fee o ƥiy Safan, o piibind oxe, no maax took olaa, paam ndokand nqas ne no Mbind ne no Yaal oxe.

Yeremi 36:6

Kaa koy, wo na retkaa teen na bes fee no koor ne, jang no laxas safe le bindoona fa lay fee no Yaal oxe layoonga. Xan o nannoorin we na xeet fee na ndefkaa no Mbind ne no Yaal oxe boo no wiin we Yudaa na inoortiidkaa no teeru ke den.

Yeremi 19:2

Sutoorti no ndokand ne no maxand ole, jagin na yulanq alaa Ben-Hinom. Fat o yegnit maaga fa lay fee um daawinkang.

Xa peƭit axe 9:3

A lula jeefeer we ten, da mbalalooxanan no fo mbiñ fo ngoƭu took ne na teeru fee yee:

Xa peƭit axe 8:1

Nan-gilooxyo, Jeg-yiif oxe xoytaa, o ƴiƴ ole a falalooxaa!

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

Yeremi 17:20

Fat o lay a den ee: Nan-gilooxyo ke o Yaal oxe a layna a nuun, nuun maad we Yudaa fo nuun fop we ngenna Yudaa fa Yeerusaleem, na ndoktaa no tokand kene!