Yeremi 17:14 - NQAARIIT NE ROOG

¹⁴ Wodandaam, o Yaal oxe, too xam wod, muclaam, too xam muc, yaam wo soom um simataa.

Yeremi 17:14 Referans Kwoze

A kim a tedu ke 6:2

O Yaal oxe, ba o xawaam kam fuux le wo. Ceƭekaam xa yar, ndaa baa ref kam fuux ɗomu le wo.

A cangatin ale 32:39

Andyo boog ee mi yoo, mi soom refu Roog, too fa lakas jegee meen. Mi na jangaa o ñis, too mi na ñoownaa itam. Mi na gaañaa soo wodandaa. O leng waagee o wat o kiin no ɓay es.

A kim a tedu ke 106:47

O Yaal oxe Roog in, mucli a in. Fokatti a in a ndeer qeet ke, ndax i ƥoxot gon tedu of o ngidim too nqaaƴoortaa a simat of.

YEGIL MBAAX NE YEESU ne Lik a bindtuuna 4:18

«Yiif le no Yaal oxe xe took es. Kaa ɗuumaam ndax um yegnik rool we Yegil mbaax ne, a lulaam ndax um yegin faɗ we a bat ale, yegin we mbuulna o ga ole, soo wokit we toroxandeena,

A cangatin ale 10:21

Simateenoo, ten refu Roog nuun, ten fi’u a ndeer nuun a pi a maak a saɗarnooxu ke nu nga’oodna.

A kim a tedu ke 109:1

O yaal a ƭat ale no jeejeek we a xoolne yee a kim a tedu lene kaa fog na ke Dawid. Wo Roog fee um simataa, ba o dam njaambuur of,

A kim a tedu ke 6:4

too o laaw es kaa fiiƭaa. O Yaal oxe, boo a mban neeke koy?

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Mace 14:30

Kaa koy, yaa ta ga’na yee nqeñ ne a jega doole, a diida. Yaa foofi laa a buguuna o muur, a wuuqa too a lay ee: «O Yaal oxe, muclaam!»

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

Esayi 6:10

Ŋajnoori xeet feene, sux nof den soo mup a kid den, yaam ndik da nga’it a kid den, a nanit nof den, a andit a qeeñ den, soo a saktooxiid me mi, a mbodandel.»

Mace 8:25

Daalbe we a matiidaan, a yokin, a lay ee: «O Yaal oxe, ƴufgi a in, in we saŋkooxaa kat!»

A kim a tedu ke 148:14

A ci’a xeet um o maad o cegu katil, ndax we ndamooxna no ten fop a simatan, Ii-isra’el we ndefna xeet fee matuuna. Haleluyaa!

A kim a tedu ke 60:5

Reefnaa xeet of no ƭeetlax ƭomu, yernoor a in biiñ faa na wayaa.

A kim a tedu ke 12:4

Yaasam o Yaal oxe a xuuf a ƭelem a ceyir ake fop fo ɗelem luu na magnandooxaa na fa lay.

A lim ale 12:13

Maaga, Moyiis a xeɗooxa o Yaal oxe yee: «Wo Roog, mexe xeɗang o wodandin!»

A kim a tedu ke 54:1

O yaal a ƭat ale no jeejeek we a xoolne yee a kim alene kaa yoonandteel o nqilimb, a ref a cangtax alaa fogna na ke Dawid.

Yeremi 3:23

No ndigil, ke na hatiidaa na ñaang ake xa maaƥ xa ƥor oo, combol ɓor na fi’eel took xa coong axe. No ndigil, no Yaal oxe Roog in a muc ale Isra’el a refu.

Yeremi 30:17

yaam xam nomtong no wod-fo-ɓaal, wodand a uut ake wo, wo Siyoŋ, wo fee na xoyeel ‹o tew o buuse xe›, a ƭat no leng a yongeerna. Mi o Yaal oxe layun.»

Yeremi 33:6

Ga’angi, xam dakin a Yeerusaleem no wod-fo-ɓaal um, ci’in cer ƥutu um, kaam ee xam wodand we ngenna teen ceŋ. Xam feeñil a den jam fo o woor boo ta dey sik.

A kim a tedu ke 6:3

O Yaal oxe, yirmaam, yaam kaam ñak doole. Wodandaam, o Yaal oxe, yaam kaam sendaa ne fodeema fop,

A kim a tedu ke 119:94

Wo refanum, muclaam, yaam bargal of um jaqtaa.