Yeremi 17:13 - NQAARIIT NE ROOG

¹³ O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 17:13 Referans Kwoze

Mbeeñil 7:17

yaam o Mbaal onqe refna ndeer gamb no maad le na refkaa o Kaynaak den. Xan a ɗox a den na cur foofi le na ñoownaa, soo Roog a forit xa kooniit den.»

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

YEGIL MBAAX NE YEESU ne Saŋ a bindtuuna 4:10

Yeesu a doonaan ee: «O and’angaa ci’it Roog, and itam oxe layoonga yee ‹Ci’aam um yer›, xeɗkoogaano wo fa xoox of, too yaaga a ci’koogaang foofi fo ñoow.»

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Esayi 1:28

Kaa koy, xan o njakad a dal took no soxodu we fo baabakaad we. We mbesna o Yaal oxe a cinj xan a saŋkoox.

YEGIL MBAAX NE YEESU ne Lik a bindtuuna 10:20

Ndiiki boog, ba nu mbelakinoox yaam ne cini ke a nananaa a nuun, ndaa mbelakinooxyo yaam ne a kon nuun a mbindeena na asamaan.»

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Mbeeñil 20:15

Oxuu gon um a bind’aandeena kam safe le no ñoow ole, xan a joorel kam a mbeel fiɗel ale.

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

A kim a tedu ke 73:27

We na ngoƭang, xan a saŋkoox, we na mbesang a cinj, a mbaɗooxaa roog lakas, o duguñ a den.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

A pi ake 28:20

Ten taxu um xeɗ, ndax um ga a nuun boo lay fa nuun, yaam oxe xeet fee Isra’el a yaakaarna taxu um kepel a cengir akeeke.»

Dañel 12:2

Mayu no we na ƭaanaa kam lanq ke xan a yokoox, leng we a ndet no ñoow o fagkeer olaa, lakas we a ndet na gaci faa, a sibdel boo faw.

Heseki’el 36:32

Refee yee nuun taxu um fesoorkaa neene, andeenoo. Mi o Yaal oxe na refkaa boo faw layun. Sedyo too seeƈaar na pesoorooƭ nuun, nuun mbind Isra’el.

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

Yeremi 17:17

Ba o ref na mi kaa na sendnooraxam, wo fee refna njaɓnooxand es yaa fa taamaala.

Yeremi 17:5

Keeke o Yaal oxe a layu: «O koor oxe hoolooxna o mbindeef, ngeƈnooxand um ta gaɗin no njer, soo xeeñ um a fes o Yaal oxe a cinj, a salooxe.

Xa peƭit axe 14:14

O cofaƭaru xe xan a buq o gaf ole na pi um, o kiin oxe fodna o mbid o mat kaa saɗgiteel a pi a paax um.

Xa peƭit axe 10:7

O cofu xe weeckaand boo muk, a kon no soxodu we mat kaa ñufaa ɗuƭ.

A kim a tedu ke 97:7

Fop we na mbaɗooxaa pangool ke, a nqaaƴooraa xa koɓong axeene xan a sed. Roog ke fop kaa ngungaa mbaambir no Yaal oxe.

A kim a tedu ke 22:4

Yaag oo toox de wo refu o Tedu xe. Wo na maadaa cay a simat ake Isra’el.

A kim a tedu ke 71:5

O Yaal oxe na refkaa boo faw, wo yaakaarum, hoolooxong no kaa xotitna no ndeƥandoong es.

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

Heseki’el 13:9

O ɓay es xan a dal took duleer we peeñil den a ndefna xa koɓong soo maƭak den a ndef xa maaƥ. Mbogkee no mal maak ne na xeet es, mbindkaand no mbokatax ne no mbind Isra’el, too ndokkee no fiisel ole Isra’el. Maaga, xan nu and ee mi refu o Yaal oxe na refkaa boo faw.

Sakari 9:12

Nuun faɗ we njegna yaakaar, nomtooxyo no mbiñ o mbooru nqe nuun! Xaye sax mexe layaa a nuun ee xam rabid a nuun coono nuun boo a caf a ƭak.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

A kim a tedu ke 69:29

Forti a kon den no safe le no ñoow ole, too baa da mbindel fo jofu we o mbiñ o leng.