Yeremi 17:11 - NQAARIIT NE ROOG

¹¹ Nen a ceɓel alaa ɓopna ke ta ɓoofeerna neene oxe na fokatanooxaa halal fa leweer a nandu. Ndeer ee ndeer xa yeng um, xan a ñak o jeg um soo na muj um ta refat yoqit.»

Yeremi 17:11 Referans Kwoze

Xa peƭit axe 28:20

Oxe woorna, kaa fop um a barke’aa, oxe na ƴufanaa halal o mat ñakkaand o xaw.

Xa peƭit axe 21:6

Halal fee jegteena na xa maaƥ naagee miñaa soo a ɓisaa o yaal um na fa nqon.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Yeremi 22:13

Sabab took no xe na maxtaa mbind um njofaƭar, a yoɗaa teen taax-took na ƭat a qeleer, a jalnooraa o kend um too rabidkiran!

Xa peƭit axe 28:8

Oxe na rimandaa halal um, ndax ta moƴ o may, kaa fokatanan oxe na yirmaa rool we.

Xa peƭit axe 15:27

Oxe buge’na kaa loraa mbind um, oxe jaɓeerna gerel o mat xan a ñoow.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Sofoni 1:9

A koom, xam xaw fop we na ƈakandooxaa peg ne, we na mayƭandtaa pind no yaal den kalal caɓe fo kaa njegteena na ƭat a qeleer.

Xa peƭit axe 28:22

Oxe buge’na kaa gindaa halal too andee koy ee ndool na ɓeedan.

Xa peƭit axe 13:11

Halal fa onjaand naagee miñaa, fee kos-kosneena mat kaa ɓaatooxaa.

A kim a tedu ke 55:23

Roxodi a toq of no Yaal oxe, too xan a teeteelong. Xaƴkee muk o cofu xe ta tolof.

YEGIL MBAAX NE YEESU ne Lik a bindtuuna 12:20

Kaa koy, Roog a layaan ee: ‹Nawtul fene! O yeng oleeke sax sax xan o ñis of a xuufel, too yaaga boog an na jegkaa ke geeroona?›

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

1 Timote 6:9

We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sakari 5:4

Xam woktin, ndax ta rok no mbind no kuuɗ oxe fo no mbind no xe na daaɓoortaa gon es na xa maaƥ, a gen teen soo a yaqin pic boo na qanq ake ten fo a ƥil ake ten. Mi o Yaal oxe Hupna fop layun.»

Mise 7:3

Xa ƥay den kaa mbaane no fi paaxeer, o kelwaar oxe a sertaa nger, o kaahate xe a laacaa ndabid, soo wiin maak we a laltaa o wat den, den fop da yekoorin.

Mise 2:9

Kaa nu ndaxtaa rew we na xeet es no pind ke da mbexna, suqtaa na xa caaƈ axe den ke barke’tuuma a den.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

Xa peƭit axe 28:16

O kelwaar oxe moƴna o ɓaataa lukit jegee yiif, oxe na fañaa a pi a paaxeer o mat kaa ɓaataa xa yeng um.

Xa peƭit axe 23:5

A kid of a ngaanangaa teen, ta naag mes, yaam halal o mat kaa saxaa a nafir, a yet fir farna fa asamaan nen a canjiik.

A kim a tedu ke 49:13

O kiin a may may halal waagiran o yaqan o huloox lanq ke, ta nand fo cegel ke na nqonaa.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Ke bindeena no xe ne’eena YOB 20:21

Dara waankee o buge le ten, ndaa o ɗaay um miñkee tus.