Yeremi 17:10 - NQAARIIT NE ROOG

¹⁰ Mi o Yaal oxe, kaam ga’aa boo kam xeeñ soo horooxaa a pug ake, ndax um dakin oxuu refna a pesoorooƭ um, reefandin no ke a pi um a njagitna.

Yeremi 17:10 Referans Kwoze

1 Sami’el 16:7

Kaa koy, o Yaal oxe a laya a Sami’el ee: «Baa ne ta jagna soo a jeg a keen a yul a ngid of, yaam jilinum. Naagiim o ɗeetaa no ke wiin we a ƭeetaa. O kiin oxe, ke yulna a kid um rek a ɗeetaa, ndaa mi fee o Yaal oxe o mat, kam ee kam xeeñ um ɗeetaa.»

O leetar ole Pool a bindna GIMU WE NGENNA ROM 8:27

Roog fee na ga’aa kam xeeñ, a anda ke Yiif Tedu le a bugna o xeɗ. Yiif le koy, kaa xeɗanaa we mbogna na Roog, ne Roog a bugtuuna.

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

Yeremi 11:20

Kaa koy, wo o Yaal oxe Hupna fop, kaa o hate’taa o cofel, horooxaa a pug fo a qalaat a ƭasu ke no wiin we. Xam ga ndabdinax of took den, yaam wo doxnum nqeloor es.

Yeremi 32:19

Yuuƥ ke wo kaa magin, a pi of a njeg katil. A kid of kaa ngaan na ƭat no wiin we fop, ndax o dakin oxuu refna a pesoorooƭ um, reefandin no ke a pi um a njagitna.

Yeremi 20:12

O Yaal oxe Hupna fop wo andu oxe jofna, horooxaa a pug fo a qalaat a ƭasu ke. Xam ga ndabdinax of took den, yaam wo doxnum nqeloor es.

1 Caloori ke 28:9

Wo Salomo fee o ƥees koy, andi a Roog fee na faap of too dagoortin xeeñ letu fo yiif jagandooxu, yaam o Yaal oxe kaa ɓaalaa a qeeñ ake fop, soo a jaqtaa a qalaat ake fop. O waaƭangaan, xan a ga’nooxong, ndaa o xaƴangaan xan a deɓong boo kili.

Mbeeñil 22:12

Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

A kim a tedu ke 62:12

Nanaam fa lay feeke na Roog kaa refeerna jaf leng: «Mi jegu katil.»

Xa peƭit axe 17:3

Xaaliis fa wurus kaa ƭeetloorteel fiɗel, a qeeñ ake mat o Yaal oxe na ɗeetlooxaa a den.

Mbeeñil 20:12

Maaga, ga’aam xon we, yaal toole fo we neewna doole, da ngeenoox mbaambir gamb no maad le. A jega a safe kaa mbeteena. Safe lakas a wet’e itam, refna ref safe le no ñoow ole. Xon we a ngate’e no ke bind’eena kam a safe ke, oxuu refna na pi um.

2 Caloori ke 6:30

nan-giloorti a den na asamaan fee genoona too waasan a den, ɓek teen o ɓay of, rabid oxuu refna a pi um, yaam wo doŋ andu xeeñ no kiin oo kiin.

YEGIL MBAAX NE YEESU ne Saŋ a bindtuuna 2:25

Soxla’ee itam o leng a seede’an o kend um, yaam o ten fa xoox um a anda ke refna no kiin oo kiin.

Yeremi 21:14

Xam xaw a nuun, reefandin no ke a pi nuun a njagitna. Xam heƥand fiɗel kam suungaan a toodook qool ake nuun, ta raaɓ ke widna a nuun fop. Mi o yaal oxe layun.»

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

O leetar ole Pool a bindna GIMU WE NGENNA ROM 6:21

Xar keene a rimu na nuun boog? Dara, a refangeerna gaci, yaam muj no keene fop fa nqon soom oo.

1 Caloori ke 29:17

Wo Roog es, andaam ee kaa o horooxaa a qeeñ ake fop soo fex o cofel. Fi’anaaxoong boog ci’it ke mi no fud o letu kam o cofel ole no xeeñ es, too ga’aam xaye fo o ɗaay xeet of feeke ndefna fa mi a mbi’anong leng kut ke fi’uuma.

Mise 7:13

A saax akeene xan a ngefel yaam a pi no we ngenna teen.

Mace 6:4

O fi’angaan, xan sadax of a fi’u na pet, too yaaga, xan Faap of fee na ga’aa ke ɗasna a rabdong o ten.»

A pi ake 1:24

Cinj kaaga, den fop a nqeɗa yee: «O Yaal oxe, wo fee andna a qeeñ ake no wiin we fop, lali a in o leng oxe jiloona no ɗik weeke,

1 Maad we 8:39

nan-giloorti a den na asamaan fee genoona, too waasan a den, ɓek teen o ɓay of, rabid oxuu refna a pi um, yaam wo doŋ andu xeeñ no kiin oo kiin.

A kim a tedu ke 44:21

Boo i mbeecit’ina gon of, wo fee Roog in, mbaat i letin xa ƥay in a roog fa lakas,

O baawaare xe 9:3

O njakad onqe no ke na xewaa took lanq ke refu yee fop mbogu muj fa leng kut fo itam a qeeñ ake no wiin we mayna fo paaxeer fo ƭof ne refna na den no ñoow o ñis den fop, cinj kaaga, da ndab xon we.

Esayi 59:18

Xan a rabid pindeef ke a pi den, fuux um a yen no noon um, ta xaw fañ um soo a rabid we ngenna na pimb ake a pi den.

Yeremi 12:13

Bele a nduuf’u, ndaa takar-ñiig a saxadaa. A paanga doole den na xa koɓong. Njegyo gaci boog no ke nu saxadna, yaam fuux ɗomu le mi.»

Heseki’el 11:5

Maaga, Yiif le no Yaal oxe a fudooxa took es, a layaam ee: «Jo’tanaam ee: Keeke o Yaal oxe a layu: Keene nu layaa nuun mbind Isra’el. Andaam ke refna na yiif nuun.

Heseki’el 14:5

Neene, xam duq mbind Isra’el no xeeñ, den we mbesaxama a cinj yaam pangool ke den.

Ke bindeena no xe ne’eena YOB 34:11

Kaa rabdaa o kiin oo kiin a pi um, a ɓoxotaa oxuu refna a pesoorooƭ um.

A kim a tedu ke 7:10

Xuufi mbaaxaƭar ne no soxodu we soo saƭkand o cofu xe, wo Roog fa njofu fee na horooxaa a qalaat a ƭasu ke fo a pug no wiin we.

A kim a tedu ke 44:22

refkoogee kunpa of, yaam andaa kunpa ke no xeeñ no kiin.

Xa peƭit axe 12:14

O kiin fa lay um a gidmiteel, a rabdel calel um.

Yeremi 23:2

Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.