Yeremi 16:9 - NQAARIIT NE ROOG

⁹ Yaam keeke layum, mi o Yaal oxe Roog fee Isra’el Hupna fop: Na kid nuun fo na jamaane nuun, xam ñuf no mbiñ onqene xa ƈeel axe fo xa soroxole xe, o ñuxur no kor no kuloox oxe fo ole no kulook oxe.

Yeremi 16:9 Referans Kwoze

Hoose 2:11

Ten taxu ci’katinum bele yaa fo a saxad fa biiñ fa nqas na waxtu a nir ale, too xam jaɓ fale es fa gaare es mbar’ina o sing cer ƥor um.

Heseki’el 26:13

Xam tiimin coow le na kim ake wo, too fangax le no fo nqilimb ne wo nankataand.

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Yeremi 25:10

Xam ñuf a ndeer den xa ƈeel axe fo xa soroxole xe, o ñuxur no kor-no-kulook oxe fo ole no kuloox oxe, fangax le na ƥil a unir ake fo a qoolaand o lampa le.

A kim a tedu ke 78:63

Fiɗel le a raaɓa mboƥ ngoor ne ten, too mboƥ ndoog ne ten ngimanoogataand a kim ngulook.

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»