Yeremi 16:8 - NQAARIIT NE ROOG

⁸ Ba o rok no mbind ne jegna mbumbaay, ndax o moof fa den, ñaam soo yer.

Yeremi 16:8 Referans Kwoze

Yeremi 15:17

Moofiim muk a ndeer no we na mbumbaayaa, ndax um ŋas. O ɓay o mayu katil ole wo a seraxam um moof sang es, yaam kaa o mayƭand’aam fo fuux.

Efees 5:11

Ba nu njeg a las a leng na pi a cegee njiriiñ ake no we ndefna kam o niɓaan ole, ndaa nguyityo a den.

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

Mace 24:38

Yaam no ñaal kaa adoox’ina o jaɓ o maak olaa, wiin we kaa ñaamoogu, a yeraa, a ndolnireel, a ci’taa xa ƥiy den a tolax, boo na bes faa Nowe a rok’ina na kaal alaa.

A kim a tedu ke 26:4

Fogkiim moofand fo naanax we too yoonkiim fo yememaar we.