Yeremi 16:7 - NQAARIIT NE ROOG

⁷ We na ñaawooxaa ndoxkaand, too we ñakna a faap den mbaat ya den ci’kaand a yer. O leng yaalkee a den.

Yeremi 16:7 Referans Kwoze

Hoose 9:4

Ƥoxotkatee o Yaal oxe sadax biiñ, too ƥoxotkatiran sadax lakas. Ten taxu ñaamel den xan a nand nen ñaamel o xaaraand. Fop we na ñaamkan xan a nqoolaƭar, yaam kaa mboolaa a ñaamin took o ñak o waag o ɓisiid kam Mbind ne no Yaal oxe ke eetna o foor no saxade le den.

Heseki’el 24:17

Iini taa kam of, ba o ñaawoox xon we, tañalooxi, rokoox xa ñaaƭ of, fañ o muur mukit of, too ba o ñaam puuru caapir ke no gentand of.»

A cangatin ale 26:14

I ñaamee dara no keene yaa fo ñaawax too i mbatnee teen dara, a soƥ i nqoolaƭar, too i cooxtee teen dara nen sadax faa na ɓoxoteel o qon. Wo o Yaal oxe Roog in, kaa i nanan kañ o ñuxur of, mbesoor deŋ ne heblitanoona a in.

Ke bindeena no xe ne’eena YOB 42:11

Maaga, we ta fogitna faap fa yaay fo fop we and’uuna yaaga a ngara me ten, a ñaamaa fo ten kam mbind um. A ƭomatooxa soo a yaalin no taamaala ke o Yaal oxe a doon’uuna fop. Oxuu refna na den a ci’aan o monjong xaaliis fa nqoolu fo o heɗ wurus.

O baawaare xe 4:1

Cinj kaaga, horooxaam xa qos ñagadil axuu ndefna took lanq ke. We na ñagadileel owe nqaarnaa xa kooniit, too jegee o leng oxaa yaalna a den. Sañ-sañ fee xey fo ñaañagadil we den, ten taxu njegee yaayaal.

Yeremi 22:10

«Ba nu lool o maad Yosiya xe xonna, ba nu ƭomatooxin! Loolyo kañ o maad Saalum oxe ɓiseena, yaam nomtooxiidkatee muk, ga’katee saax o rimel um.»

A ƭomatax ake 1:9

Ndoƭ ke kaa ndeeƭu na xa noflax axe no ndoki ne ten, too yiif um galag’ee muj um. Njom ne ten kaa betin, too o leng yaaliran. Kaa layaa yee: «Ey, o Yaal oxe, ga’i o ñaat es, yaam o pañ oxe xe fakooxaa!»