Yeremi 16:5 - NQAARIIT NE ROOG

⁵ O Yaal oxe a layahinaxam ee: «Ba o rok no mbind naa na nqaaraandaa, ba o maad a mboy, ba o jaap o leng, yaam suqtaam na xeet fene nqaariit es, o paaxel es fa yirmande es. Mi o Yaal oxe layun.

Yeremi 16:5 Referans Kwoze

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›

Mbeeñil 6:4

Maaga, pis jakeer a feeña. Oxe ŋaay’uuna a coox’e sañ-sañ ndax ta fi njuumoor na adna fee, wiin we a mbarrik. Oxeene a coox’e a laƥ a maak itam.

Sakari 8:10

No kaa adooxna a pe akaaga, o kiin oxe jeg’ee ndabid leng, too njegel itam jeg’iran. We ndetoogna a ngaraa njeg’ee jam muk yaam o pañ oxe, too kaam hoƥatrand’u wiin we fop.

A kim a tedu ke 25:6

O Yaal oxe, wetandooxi yirmande of fo o mbeq of, yaam yaaga boo fa ndiik owey meen.

Yeremi 12:12

Yaayaq a mbadiida took xa coong axe fop naangna halit kam a koƥ-a-ƥor ale. Laƥ ne mi xe saŋkaa saax le, a xotit no cat boo no cat, too waasee o leng.

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 16:13

Ten taxu xam deɓ a nuun maa goƭna saax lene, no saax lakas laa nu andeerna, nuun fo daan nuun. Xan nu mbaɗooxaa maaga roog lakas, ñaal fo o yeng, yaam yirimkiim a nuun.› »

A ƭomatax ake 3:17

Jegatiim jam too andatiim o mbelakinax muk.