Yeremi 16:4 - NQAARIIT NE ROOG

⁴ Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 16:4 Referans Kwoze

Yeremi 25:33

We o Yaal oxe a warkaa a koom xan a luuñaa maaga, no cat leng boo no cat lakas no lanq ke. Nqaaraandkaand, ngiskaand too ngaskaand. Xan a ndefik tosir lanq ke.

A kim a tedu ke 83:10

Wo Roog, fesoori fa den ne fesoorit’oona fo Maamajan we fo ne fesoorit’oona fa Siisera fa Yabin na ƈufnand alaa Qiison.

Yeremi 9:22

O Yaal oxe kaa tee: «Baa o yaal-o-and oxe a fakoorit o and um! Baa jambaar fee a fakoorit njambaar um! Baa o yaal halal oxe a fakoorit halal um!

Sofoni 1:17

O Yaal oxe kaa tee: «Xam ɓek wiin we na naqad, soo da ñaaƴtaa nen fuul, yaam kaa mbakaad na mi, mi o Yaal oxe. Fo’oy den xan a ɓaxtel nen fo ut, xa tal den a luuñaa nen ndoƭ.»

Yeremi 34:20

Ten taxu, xam ɓoxot a den na xa ƥay no fañ den, na xa ƥay no we mbugna njang o ñis den, too xa tal den xan a ndefik ñaamel a tud ake fo ƥaaɓaan ke no lanq ke.

Yeremi 7:33

Xa tal axe na xeet feene xan a ndef ñaamel tiiƭ ke fo ƥaaɓaan ke no lanq ke, too o leng fiiqilkee a den.

Esayi 18:6

Keene fop xan a xaƴanel a tud ake na xa coong axe fo muumeen-a-koƥ ke. A tud ake xan a ndiig took den, soo paafaal ke na koƥ ale fop a ƈiid teen.

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Yeremi 44:27

Nga’angyo, xam fexeyan a nuun, ndax um doon a nuun taamaala ee baneex. Yuuyudaa we fop ndefna no saax le Misira, xan laƥ fo biim a saŋik a den boo da mooc.

Yeremi 36:30

Ten taxu keeke layum, mi o Yaal oxe, na wo Yoyakim fee o maad Yudaa: Jegkiro o ndaan o leng oxaa rondandoonga took uum-maamaad le Dawid, too o dal of xan a luuñaa na sumaan ale no ñaal ne fo na ƥuuɓ ale no yeng ole.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

Esayi 5:25

Ten taxu fuux le no Yaal oxe a biltooxan xeet um, ta yoɗ o ɓay um soo a xawin. Xa coong axe kaa sendaa, soo xa tal axe yee ɗareet no ped ke nen ƭaaq. Kaa koy, keene fop taxee fuux um a ɓoos, too o ɓay um ole yoɗooxa boo fa ndiik.

A kim a tedu ke 78:64

Saasadax we ten a mbarte laƥ, too ñaaw we ten ci’’aand o mbaɗoox.

2 Maad we 9:10

Xan xa ƥox axe a ƈaxit a Isebel na xa saawit axe Yisre’el, too jegkee o leng oxaa gasuuna.› » Cinj ye ta layna keene, a dalfooxa o wet begax ne soo a ƴuf.

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

A cangatin ale 28:26

Xa tal nuun xan a ndefik ñaamel a tud ake fo ƥaaɓaan ke no lanq ke, too o leng fiiqilkee a den.

Yeremi 19:7

No mbiñ onqene, xam kasaara’in yuuƥ ke no we ngenna Yudaa fa Yeerusaleem. Xam maafit a den laƥ no fañ den fo o ɓay no we mbugna njang o ñis den soo ɓoxot xa tal den da ndefik ñaamel a tud ake fo ƥaaɓaan ke.

A ƭomatax ake 4:9

We laƥ a saŋkaa moƴu o ƭaay we na nqonaa fo nqeex, na yenaa, a ŋeesoox tak, yaam ne xa qol axe a mbateerna dara.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

A cangatin ale 28:22

Xan o Yaal oxe a xawit a nuun jir laa na ŋeesaa, a sumaan fo ɗoy xaral. Xan a hebliid me nuun mbooyo fo o feñ, xa ƥuus fo xa qomb boo yaa nu moockaa.

Yeremi 21:6

Xam xaw fop ke na ñoowaa na teeru fene, wiin we fo cegel ke, da nqonit na piste.