Yeremi 16:19 - NQAARIIT NE ROOG

¹⁹ O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

Yeremi 16:19 Referans Kwoze

Esayi 25:4

yaam wo reeƭu ndaɗand no neewu doole xe fo njaɓnooxand no ndool onqe reeƭna na naqad. Wo reeƭu itam laqooxand yaa fo mbuyaam maak ne fo yook naa na saytooxaa na sumaan a cegu doole le no njeeƈ ne. Haaƭ le no wiin fo’oy we kaa nand’u nen mbuyaam naa na xawooxaa no tabax,

Nahum 1:7

O Yaal oxe a faaxa. Kaa ref ndaɗand yaa fa naqad, a topatooxaa we ngoolooxuuna.

Yeremi 17:17

Ba o ref na mi kaa na sendnooraxam, wo fee refna njaɓnooxand es yaa fa taamaala.

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

Yeremi 10:5

Kaa nand nen mbooƴ sipe no qol xa peeƭ. Naangee o layaa, too kaa meeɓeel, yaam mbaagee o ndupit o jaf. Ba nu saɗar a den, yaam mbaagee o mbi paaxeer, ne da mbaageerna o mbi’it paax.»

Yeremi 2:11

Ndax a jega xeet faa na sofaa roog den, ke da ndefeerna ndef roog fop oo? Xeet es o mat a softaxam xa koɓong xa ƥor, mi fee o ndam um.

Esayi 44:10

Xawnaa roog mbaat o maxnaa mbangool naa ɗaxkeerna dara, meene soom ƭof a dayu.

A kim a tedu ke 86:9

Wo o Yaal oxe, wo saku qeet ke fop. Xan a ngar, a ngung na caf of soo a ƥoxot gon of o ndam.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Habakuk 3:19

O Yaal oxe na refkaa boo faw refu doole es. Ten na saƭkandaa a caf es boo da nand fo ake no njaf ne, soo a ñaaƴnooraxam no fo mbiñ fo ngoƭu took ne. O yaal a ƭat ale no jeejeek we a xoolne yee a kim aleene kaa yoonandteel o nqilimb.

Heseki’el 11:16

Ten taxu layi a den ee: ‹Keeke o Yaal oxe na refkaa boo faw a layu: Ke deɓkuuma a den koƭu a ndeer qeet ke, pasar a den kam a saax a lakas ake fop oo, reeƭaam na den nen o mbiñ o tedu kam a saax ake da ndokna.›

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

A kim a tedu ke 62:2

Na Roog soom o laaw es a yaadoortaa, no ten a muc es a inooraa.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Yeremi 3:23

No ndigil, ke na hatiidaa na ñaang ake xa maaƥ xa ƥor oo, combol ɓor na fi’eel took xa coong axe. No ndigil, no Yaal oxe Roog in a muc ale Isra’el a refu.

Esayi 62:2

Xan a saax ake a nga o cofel of, soo maad we a mbuudaa o ndam of. Xan o cooxel gon xas le o Yaal oxe a ne’kaa.

Esayi 32:2

Oxuu refna na den xan a ref nen laqooxand naa na fegaa nqeñ ne fo ndaɗand naa na kalaa a und a maak ale, a ref nen a ƈufnand foofi kam o mbiñ o mbeeru, nen yook ɓil maak no lanq koɗome.

Xa peƭit axe 18:10

Gon le no Yaal oxe kaa ref taax-took saƭku koŋ. O cofu xe kaa jaɓnooxaa teen soo a ref no woor.

A kim a tedu ke 68:31

Xasani a Misira, muumeen fee no xeet le, xasan qeet ke, o siir ole no qoox ke yoonna fo xa qeel, ndax da ngung mbaambir of fo xa monjong xaaliis. Pasari qeet ke mbexna xire.

A kim a tedu ke 62:7

Ten soom refu ɓil es fo a muc es fo saŋe es, naagiim o sendaa.

A kim a tedu ke 46:11

Kaa tee: «Ngeenooxyo too and ee mi refu Roog. Mi na maadooxaa took a saax ake. Mi na maadooxaa took adna fee fop.»

A kim a tedu ke 46:7

A saax ake we mbangooxaa, maat ke a sendaa. O ñuxur um a jibangaa, lanq ke a ngiiƈ-ngiiƈin.

A kim a tedu ke 46:1

O yaal a ƭat ale no jeejeek we a xoolne yee a kim alene kaa fog na ke no Kookoora we, a gimteel o ñuxur o weelu.

A kim a tedu ke 27:5

Xan a laqaam no ngenand um, yaa taamaala a jegna, a ɗasnaam no ƭiif um, a ŋaaynaam took ɓil goƭu took.

A kim a tedu ke 19:14

Guutatirandaam itam, mi fee o tag of fo tooñ ke mbeejoodna lool, baa da ngupaam doole muk. Maaga, xam ñak ƥanjel, xool na bakaad fa maak.

O leetar ole Pool a bindna GIMU WE NGENNA ROM 1:25

Kaa sofit ndigil ne Roog o maaɓ, soo a ndek ee kaa mbaɗooxaa, a nananaa mbindel Roog, a mbañ o mbaɗoox o Saasak oxe. O ten koy, a hela o barke’el boo faw. Amiini.

1 Maad we 20:23

Dag we no maad oxe Araam a layaan ee: «Roog fee Isra’el Roog fee na xa coong axe a refu. Ten taxu Ii-isra’el we a nqaw’u a in, ndaa fat i ñoxorit fa den na xa saawit axe. A woora yee maaga in na nqawkaa a den.

Esayi 44:20

Muk, a qalaat um kaa njagin no kaa refna ndaw ƥor. Yiif um mo’u kaa laynooran xa koɓong xa ƥor. Mucilkee o ñis um, yaam laykee muk ee: «A woora yee ke pokooxuuma naanaxir ƥor oo.»

Esayi 45:14

Wo Isra’el, keeke o Yaal oxe a layong: «Kalal ke no Miimisira we fo ke Kuukuus we a njegtaa no cula ke den fo Seeseeba we na nandtaa tof caang xan a mbod no ɓay of, soo o jegat a den. Qeet keene xan a ndeefang, a ñaaƴtaa a ceng. Xan a ngungaa mbaambir of, a nqeɗooxang, a ndamtin ee: ‹Me wo soom Roog a refu. Jegee roog fa lakas, a refangee ten.› »

Yeremi 2:8

Saasadax we laamtee yee: ‹Taa o Yaal oxe?› We na njangnaa kebil ke andiraam, ɗooɗox we na xeet fee a siiknoor fa mi, duleer we a lay no gon Baal. Kaa ngiɓoor fo roog kaa mbaageerna o ndimle.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Yeremi 12:16

Maaga, a aqatooxangaa a ƭat ake na xeet es, a ndaaɓoorit gon es ee: ‹Ne ta wooritna yee o Yaal oxe xe ñoowaa›, ne da njangnitna xeet es da ndaaɓooraa a Baal, xan a ndalnel a ndeer xeet es.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Amos 2:4

Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

A kim a tedu ke 18:3

O Yaal oxe, wo refu ɓil es, saŋe es fo o baawat es. Wo refu Roog es, o joong ole um jaɓnooxaa. Wo refu pegoor es, o Muumucil es o mayu katil fo laqooxand mbooru es.

A kim a tedu ke 65:3

yaam kaa o nan-gilooxaa a qeƭ ake. Wiin we fop owe ngaraa me wo.

Yeremi 10:3

Yaam o mbaax onqe no qeet lakas ke xa koɓong xa ƥor oo. Ndaxar ne kaa godteel no suungaan le, o seesex a sex teen nitaal roog,

Yeremi 14:8

Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?