Yeremi 16:18 - NQAARIIT NE ROOG

¹⁸ Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Yeremi 16:18 Referans Kwoze

Esayi 40:2

Ƥutandyo kam Yeerusaleem, yegneenoo yee coono um a naaga tak, ta waasanel tooñ um, yaam a daawta no ɓay no Yaal oxe ndabid pakaad um boo a caf a ƭak.»

Mbeeñil 18:6

Mbesooryo fa Babilon ne ta fesooritna fa nuun, ndabdin boo a caf a ƭak ke ta fi’na a nuun. Yipyo o mbeeƭ onqe ten a yer alaa moƴna o xaaɗ a caf a ƭak a yer ale ta fi’an’ina a nuun.

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Yeremi 17:18

Yaasam ñaañagadil we mi a sed, mi o mat ba um sed. Yaasam da mbiriɓ, mi o mat ba um firiɓ. Garti took den ñaal taamaala, yaq a den pic.»

Yeremi 2:7

Ɓisiidaam a nuun no saax jaɓu taxar, ndax nu ñaam teen xa tim axe moƴna o mbel. Kaa koy, ye nu mbadiidna, nu nqoolaƭaranda saax es, o jeg es nu mbi’in sibdel.

Heseki’el 11:18

Xan a ndok teen soo a mbatin cakalaaru ke fop fo cednooxu ke fop.

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Esayi 61:7

Me gaci nuun a reeƭna, xan nu mbelakinoox maaga a caf a ƭak, xa ƈeel a ndef a las nuun ee a neewandax, nu ndaaw a las a ƭak no saax nuun nen su’nit, too xan nu ñoowataa no ɗaay o fagkeer.

Mise 2:10

Inooxyo, ndet, yaam meeke refatee o ñootnooxand! Xan nu njeg xa ƭomel tigi, yaam ne nu nqoolaƭarandna a qoox nuun!»

Esayi 24:5

We ngenna no lanq ke maasandu a den, yaam kaa niwaƭar’u kebil ke, a sufaalaa bargal ke, a ƭegaa ngiɓoor ne na refkaa boo faw.

A kim a tedu ke 106:38

A ƥaxa fo’oy le no caambuur ke, fo’oy le na xa ƥiy den xa koor fo xa tew, sadaxeena pangool ke no Kaakanaan we, too saax le a maasandte a bar.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

Esayi 65:6

A woora yee keene fop kaa bindel mbaambir es, too tiimkiim, a refangee kaam rabid a den a pi den ne waritna deŋ.

Yeremi 7:30

O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Esayi 65:7

Mi o Yaal oxe, mexe layan ee: Xam rabdandoor tooñ den fop fo tooñ ke no daan den, den we ndoxoogna cuuraay took xa coong axe, a mbenaxam took a ñaang ake. Neene, xam rabid a den a pesoorooƭ den ale yaaga too hendkiim teen dara.»

Heseki’el 36:18

Maaga, naagaam wumbang took den fuux le mi yaam fo’oy le da ƥax’ina no saax le fo nitaal roog cakalaaru ke da ndoɗgandit’uuna.