Yeremi 16:17 - NQAARIIT NE ROOG

¹⁷ Yaam a kid es kaa naang jak na pesoorooƭ den, laqooxiraam, too tooñ den kunpa’iraam.

Yeremi 16:17 Referans Kwoze

Xa peƭit axe 15:3

A kid no Yaal oxe kaa nga’aa muu refna, ta horooxaa faax we fo soxodu we.

Yeremi 23:24

Ndax o kiin a waaga o ɗas maa laqooxna boo ga’kinum? Ndax mayiim asamaan fee fo lanq ke?» O Yaal oxe layun.

Xa peƭit axe 5:21

O Yaal oxe kaa ga’aa kuu o kiin a fi’aa, a horooxaa a pesoorooƭ um fop.

A kim a tedu ke 90:8

Dara kunpa’irang no njofaƭar in, tooñ ke i ƭasnaa sax kaa naang dañ na kid of.

Hebre 4:13

Jegee muk oxaa waagna o ɗas a Roog. Ke ta sakna fop kaa naag duŋ ee fuc mbaambir a kid um. Xan i njangtooxin ke i mbi’na fop.

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Yeremi 32:19

Yuuƥ ke wo kaa magin, a pi of a njeg katil. A kid of kaa ngaan na ƭat no wiin we fop, ndax o dakin oxuu refna a pesoorooƭ um, reefandin no ke a pi um a njagitna.

2 Caloori ke 16:9

O Yaal oxe kaa horooxaa we no lanq ke fop ndax ta saƭkand we a qeeñ den a ndamooxna no ten. Me ta refna koy, kaa o xalaatit nen o ƭof too meene o reefkaa xire’ataa.»

Heseki’el 9:9

A doonaxam ee: «Tooñ ne no mbind Isra’el fa Yudaa kaa magin lool. Saax le oxe muut fo boom, teeru fee a naag gañ fo njofaƭar, yaam kaa da layaa yee: ‹O Yaal oxe kaa waas saax le pelek, ga’ee dara.›

Esayi 29:15

«Sabab took no we na ƭasaa o Yaal oxe, ndax da laq yuuƥ ke den. A pi den no niɓaan a mbi’eel, too kaa da layaa yee: ‹An waagu o ga a in? Ndi an waagu o andid a in?›

A kim a tedu ke 139:3

Boo um ñaaƴaa mbaat um ñootnooxaa, andaa, too muu o jaf es a dakaa, kunpa’irang.

Heseki’el 8:12

Roog a layaxam ee: «Wo fee o ƥiy no kiin, ndax ga’aa ke maak we no mbind Isra’el a mbi’aa no niɓaan ole, oxuu refna kam a ndok pangool um? Kaa da layaa yee: ‹O Yaal oxe ga’ee a in, a waasa saax le pelek.› »

A kim a tedu ke 51:9

Fortiti pakaad es a naaq isoop, too xam xool, ɓogaam, too xan kam es a ranig taw nen galam fo jem.

A kim a tedu ke 109:15

Fat o Yaal oxe a wetandooxaa a den kili soo a ñuf a kon den no lanq ke.»

Yeremi 2:22

O ɓogoorangaa ke na ran-gandaa sax oo mbaat o jiriiñoor a saafu mayu, gak le no tooñ of xan a maadaa mbaambir es. Mi o Yaal oxe na refkaa boo faw layun.

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Ke bindeena no xe ne’eena YOB 10:14

Kaa o cungoogu rek um bakaad, ndax o xawaam.

Ke bindeena no xe ne’eena YOB 31:4

Ndax a ƭat es a kunpa’a a Roog? Ndax naagee o limaa a taaraand es fop?

A kim a tedu ke 33:15

ten oxe sakanna a den yiif soo a horooxaa a pi den fop.

Esayi 66:18

ten oxe andna a pi den fo a qalaat den. O Yaal oxe kaa tee: «Mexey garaa fokatiid wiin inooru na xeet fuu refna fo na lak fuu refna, ndax da mbuudaa o ndam es.

Yeremi 7:11

Ndax kaa nu mbi Mbind nene kesaneema ngol no guuɗ? Keene ga’um mi fa xoox es. Mi o Yaal oxe layun.