Yeremi 16:16 - NQAARIIT NE ROOG

¹⁶ O Yaal oxe a laya yee: «Mexey luliidaa faafaal fagkatar, too xan a mbaal we pasarooxna. Cinj kaaga, xam luliid xaaxaƴlax fagkatar, too xan a nqawloox a den took xa coong axe fop, took a ñaang ake fop fo na semb ake na ƥil ake.

Yeremi 16:16 Referans Kwoze

Amos 4:2

Keeke mat o Yaal oxe na refkaa boo faw a layu na nuun, a daaɓoortin o tedel um: «Ñaal ke nu sutkeel saate nuun, lokeel nen liƥ no jaar, nuun fo xa ƥiy nuun, owey a ngaraa,

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

1 Sami’el 26:20

Kaa koy, bugiim o xonit maa goƭna o Yaal oxe. Xar taxu boog o maad oxe Isra’el a waaƭaa o xire fa mi, mi fee refna feeɗ, a raxtaxam nen oxaa na xawlooxaa a ceɓel kam xa coong axe?»

Mberaand 10:9

O qaaxawlax o maak a reeƭu mbaambir no Yaal oxe. Ten taxu ta layeel ee «nen a Nimrood, o qaaxawlax o maak oxe mbaambir no Yaal oxe».

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Amos 5:19

A koom nu nand fo koor oxaa na ƴufaa njogoy, a xet fo ursu, a rok no mbind um, a geƈnoox no tabax, a ñootnooxaa, a baloor a ŋatin.

1 Sami’el 24:11

Xaye ga’oodaa sax ee o Yaal oxe fa xoox um a ɓoxot’aang na xa ƥay es kam luf nene. Kaam asoogel ee: ‹Wareen!›, too yaqanee um wuusong, lay a den ee: ‹Waagiim o doon o ɓay es took no yaal mbind es, yaam o Yaal oxe sax ɗuumun o maad.›

Esayi 2:21

a ndokik na semb ake na ƥil ake fo na baaƥ ake na xa coong axe, ndax da ƈuf katil saɗarnooxu ne no Yaal oxe, soo a laqoox mbaambir o magnel ole no ndam onqe ten, yaa ta inooxkaa, ndax ta yo’in adna fee.

Esayi 7:19

da ngar a ñipoox muu refna na ƈufnand a kasooxu ke fo na baaƥ ake na xa coong axe fo no kol ke fo na xa suufand axe fop.

Yeremi 4:29

Teeru fee fop a ngoda o joor no fangax le no ŋaaŋaay pis we fo xaaxaƴ a qali we. Xa kus axe we njaɓnooxeel, a ƥil ake a ñayooxeel. Teeru fee fop a waase, too o leng genatee teen.

Yeremi 6:9

Keeke o Yaal oxe Hupna fop a layu: «Gisaatooxi yoqatin we Isra’el boo ta xet ne ndaxar biiñ ƥoore a gisaatooreel. Saaki na xa par axe, ne o niinir a fi’tan.»

Yeremi 49:5

O Yaal oxe na refkaa boo faw Hupna fop kaa tee: «Ga’angi, xam hebliid took of diid, ta inoortiid me widoonga fop. Xan nu ndaxel, oxuu refna a sag mbaambir um, too jegkee o leng oxaa fokatna ƴuuƴuf we.

A ƭomatax ake 4:18

Kaa i ngaynaakeel, boo i mbaagee sutoox. Muukandoong in a matiida, xa yeng in a mbag tak. Kaam ee muukandoong in a fadiida.

Hoose 10:10

Hebooxaam o xaw a nuun, too xan qeet a mbokatooran a nuun, nu njengel yaam njofaƭar nuun ne jegeerna a tet.

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

A ƭomatax ake 4:19

Ñaañagadil in moƴ’u o ñof a canjiik ake na asamaan. A ndaaba a in took xa coong axe, a ƭaapan a in pog kam a koƥ-a-ƥor ale.