Yeremi 16:15 - NQAARIIT NE ROOG

¹⁵ Kaa koy, xan a daaɓoorteel ee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa no ɓemb-roog o janoon fo na saax ake fop ta pasar’ina a den.› Xam nomtiid a den no lanq ke den ci’uuma daan den.»

Yeremi 16:15 Referans Kwoze

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

Yeremi 24:6

Xan a kid es a ngaan took den, too xam nomtiid a den no saax lene. Xam sinjatin a den too taskatiim a den, xam jimbatin a den too fuurkatiim a den.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Amos 9:14

A koom, xam nomtiid a Isra’el, xeet es fee ndefik’ina faɗ, da maxatin teeru ke ngefeena, a ngen a den. Xan a njimbatin a ƭing taxar biiñ den, da ndef muud den, a ƭing den a neqatin, xa tim axe a ndef muud den itam.

Heseki’el 39:28

Neene, xan da and ee mi refu o Yaal oxe Roog den, ɓis’ina a den gilaa saax took o hup doole me no qeet lakas ke soo fokat a den no fiisel den. Xaƴkiim maaga o leng na den.

Heseki’el 36:24

Xam suudit a nuun a ndeer qeet ke, fokatit a nuun na saax ake fop soo nomtiid a nuun no lanq nuun.

A kim a tedu ke 106:47

O Yaal oxe Roog in, mucli a in. Fokatti a in a ndeer qeet ke, ndax i ƥoxot gon tedu of o ngidim too nqaaƴoortaa a simat of.

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Yeremi 30:3

Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

Yeremi 50:19

Cinj kaaga, xam nomtiid a Isra’el no ngenand um, ta suufaa took Karmel fo kam Basan, a giñ tem took o joong ole Efrayim fo kam Galaad.

Yeremi 23:8

Kaa koy, kaa laykateel ee: ‹O Yaal oxe xe ñoowaa, ten oxe nomtitiidna xa taan axe Isra’el no saax le no ɓemb-roog o janoon fo na saax a lakas ake ta rax’ina a den.› Maaga, xan a ngenatin no saax den.»

Yeremi 23:7

O Yaal oxe kaa tee: «Ten taxu ñaal key a ngaraa kaa o leng a laykateerna yee: ‹O Yaal oxe xe ñoowaa, ten oxe sutitna Ii-isra’el we no saax laa Misira.›

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

Yowel 3:1

«Cinj kaaga, xam fudniid Yiif le mi took no wiin we fop. Xa ƥiy xa koor axe fo xa tew axe nuun xan a njo’tanaxam, nogoy we nuun a ƭaaɗaa, soo xa pes axe nuun a nga’aa, a mbeeñooxeel.

Mberaand 28:15

Mi fa xoox es, mexey fa wo. Xam saytooxong muu refoona, too xam nomtiidong o mbiñ onqene. Xaƴkiroong muk a refangee kaa um fadin ke layuuma.»

Yeremi 12:15

Kaa koy, a cinj yaa um fuurkaa a den, xam yirmatin a den soo nomtiid a den, oxuu refna no lanq um, oxuu refna no saax um.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Amos 9:15

Xam dalnatin a den no saax le lasuuma a den, too sutooxkatiran. O Yaal oxe Roog of layun.»