Yeremi 16:14 - NQAARIIT NE ROOG

¹⁴ O Yaal oxe kaa tee: «Yaaga koy, ñaal key a ngaraa kaa o leng a daaɓooritkateerna yee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa Misira!›

Yeremi 16:14 Referans Kwoze

A cangatin ale 15:15

Wetandooxi yee reeƭaa o paɗ kam saax laa Misira, too o Yaal oxe Roog of a watong. Ten taxu um cooxong kebil neene xaye.

A sutax ale 20:2

«Mi refu o Yaal oxe Roog of, suttoonga no saax le Misira, me reeƭoona o paɗ.

Mise 6:4

Mee ndax mi suttong no saax laa Misira, watong no mbaƭ ne reeƭoona soo heblanong a Moyiis fa Aaroon fa Miryam, da adooxanong.

Yeremi 32:37

‹Mi koy, xam fokatit a den na saax ake fop pasar’uuma a den kam fuux es, kam o say es fo no ngañak es. Xam nomtiid a den no mbiñ onqene, gennoor a den teen fo o woor.

A cangatin ale 20:1

«Yaa nu nqire’ikkaa fo fañ nuun soo nga pis fo a sareet-xire fo xiixire waa moƴna o may we na nuun, baa tax nu ndiid, yaam o Yaal oxe Roog nuun sutitna a nuun no saax laa Misira oxey fa nuun.

A kim a tedu ke 81:7

«A toq ale saq’oona na kand of, roxodaanum, too diƈaa a cenjel a meɗu dis ale.

A kim a tedu ke 81:11

Mi refu o Yaal oxe Roog of, suttoonga no saax laa Misira. Yaƥati o don of, too xam mayƭandin.