Yeremi 16:12 - NQAARIIT NE ROOG

¹² Nuun koy, nuun moƴu o mbi paaxeer daan nuun. Oxuu refna na nuun oxey a xoxa no saƭik xoox um, a fañ o nan-gilooxaam.

Yeremi 16:12 Referans Kwoze

Yeremi 13:10

Xeet fa soxodu feene kaa mbañ o nan-giloox fa lay es. Kaa nqox no saƭik xoox ole den, a ngiɓoor fo roog lakas, ndax da mbaɗoox a den soo a ngungaa mbaambir den. Xan a nand nen o kumnoor olene jiriiñateerna tus.

Yeremi 7:26

Kaa koy, nu nan-gilooxiraam, nu ndungee nof nuun. Kaa nu saƭik a qoox, moƴ o yedin daan nuun.

Yeremi 9:14

Ten taxu o Yaal oxe Roog fee Isra’el Hupna fop a lay ee: «Xam ñaamnoor xeet feene qaaɗu, soo yernoor a den foofi laa jegna ndoxar.

O baawaare xe 9:3

O njakad onqe no ke na xewaa took lanq ke refu yee fop mbogu muj fa leng kut fo itam a qeeñ ake no wiin we mayna fo paaxeer fo ƭof ne refna na den no ñoow o ñis den fop, cinj kaaga, da ndab xon we.

Mark 7:21

Yaam a qalaat a paaxeer ake, no xeeñ no kiin a sutooraa, den fo pesanir ke fo kuuƭ ke fo barir ke

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

1 Sami’el 15:23

Kaam ee nanaƭar ne kaa faaxaƭarit nen bakaad ƭeet, njaɓaƭar a ref nen a cuur pangool refna naanaxir ƥor. Neene, yaam ne deɓoona fa lay fee no Yaal oxe, ten itam a deɓaang, ndax maadooxankatiro xeet um.»

Haahate we 2:19

Kaa koy, o kaahate xe xaa xonaa rek, da moƴ o mo’atin daan den, a ngiɓoor fo roog lakas, a mbaɗooxaa a den soo a ngungaa mbaambir den, a mbañ o mbaas a leng na pi a paaxeer ake den, ne’atiim o saƭik xoox den.

Hebre 3:12

Fog we, mbootooxyo yaam ndik o leng na nuun a saq xeeñ faaxaƭaru mbaat ngimaƭar naa taxna ta fes a Roog fa ñoow jok fee a cinj.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

O baawaare xe 8:12

Yaag oo toox de, o paabakaad oxe a fi’angaa paaxeer a caf teemeed sax oo too yaqanee ta xuuɗ, mi andaam ee o ɗaay ole, we saɗarna a Roog a refanu, yaam a njega no ten caƭar.

A cangatin ale 29:19

O Yaal oxe bugkee waasan oxeene kiin, ndaa fuux le fo naal ne ten xan a mbiltooxanin, too a salax ake fop mbindeena no safe lene xan a ndal took um, soo o Yaal oxe a ñuf gon um took lanq ke.

A cangatin ale 9:27

Wetandooxi dag of Abraham fa Isaak fa Yakoob too ba o damit xeet fene o saƭik xoox den fo kañaan den fo pakaad den,

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mberaand 6:5

O Yaal oxe a ga’a yee coxod ne no wiin we a magna lool took lanq ke, too ñaal nuu refna a qalaat den paaxeer rek a yuuɓaa na qeeñ den.

Yeremi 18:12

Kaa koy, kaa layaa yee: ‹Ɗaxee dara! Xan i ñoowtaa naa felitna a in! Oxuu refna na in xan a xox no saƭik xoox o faaxeer um.› »

A ƭomatax ake 5:7

Daan in mbakaadu, ndaa maadatee, soo i ngomaa coono ke no njofaƭar den.

Heseki’el 20:30

Ten taxu layi mbind Isra’el ee: Keeke o Yaal oxe na refkaa boo faw a layu: Ndax nu nqoolaƭarandoortee nen daan we nuun soo njaga’aa yaa nu ndeefaa roog cakalaaru ke den?

Amos 2:4

Keeke o Yaal oxe a layu: «Felaam o jaf no Yuuyudaa we a caf a tadak boo na nahak sax, ta dak no paaxeer. Kaa sib kebil ke no Yaal oxe, a mbañ o ndeef ke ta dalinna, soo a ndeefaa ke daan den a mbaɗooxoogna, a softin a Roog, tefee ndigil keene da njuurooxoogna. Ten taxu o ɓay es ole yoɗooxna waagee ñak o dal:

Malaki 3:7

No kaa xotitna no camaane kaa no daan we nuun kaa nu ngoƭatir fo kebil es, mbañ o ndeef a den. Mi o Yaal oxe Hupna fop, kaam ee: Nomtooxiidyo me mi boog, too mi yoo xam nomtooxiid me nuun, ndaa kaa nu laamtaa yee: «Xar i mbi’u boo o layaa a in keene?»,

Yeremi 22:28

Kaa laamteel ee: «Ndax Yoyakin fene kaa ref nqaw ƭok naa jiriiñateerna tus, a gef, o ƥaxañ olaa o leng a bugateerna? Xar taxu da ndeɓel, ten fo xa taan um, a ndaxel no saax laa da andeerna?»