Yeremi 16:10 - NQAARIIT NE ROOG

¹⁰ O yegnangaa xeet fene keene fop, xeƈa xan a laamtong ee: ‹Xar taxu o Yaal oxe a maƭoox a in taamaala fa maak feene fop? Xar refu tooñ in fa bakaad in boog i mbakaaditna no Yaal oxe Roog in?›

Yeremi 16:10 Referans Kwoze

Yeremi 5:19

Yaa o laamitkeel ee: ‹Ndi xar taxu o Yaal oxe Roog in a doon a in kene fop?› wo Yeremi, fat o doon a den ee: ‹Ne nu mbaastaxama soo mbaɗooxaa roog can kam saax nuun, neene nu ndagooritkaa genar no saax laa refeerna le nuun.› »

Yeremi 13:22

Maaga, xan o laamtoox ee: ‹Xar taxu kene a dalaam?› Tooñ mayaan ke wo taxu xa lifar axe no ndoki of a nguñtel, soo o yentel.

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Yeremi 2:35

o lay ee: ‹Fi’iim cageer leng. Fat fuux le no Yaal oxe a goƭaam!› Kaa koy, mi o Yaal oxe, xam layoor fa wo, feek kaa o lay ee: ‹Bakaadiim.›

Yeremi 11:17

O Yaal oxe Hupna fop jimb’oonga, a fosooxanaang taamaala yaam paaxeer ke wiin we Isra’el fo we Yudaa a mbi’na a qoox den. A mbuuxnooraan, ye da ndoxanna a Baal cuuraay.

Yeremi 2:23

Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 44:3

Keene a xewa, yaam we ngen’ina teen a mbi paaxeer, ndax da mbuuxnooraam. A ndoxana roog can ke cuuraay soo a mbaɗoox a den, ke da and’eerna a den fop oo, ta ref den mbaat nuun mbaat daan nuun.