Yeremi 15:7 - NQAARIIT NE ROOG

⁷ Pasaraam a den boo no cat ke no saax le nen oxaa na baacaa fo ndal. Xañtaam a den xa ƥiy, saŋik xeet es, yaam mbesee a ƭat den a cinj.

Yeremi 15:7 Referans Kwoze

Mace 3:12

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

Yeremi 51:2

Xam hebliid took Babilon wiin jan waa na mbeeskan, a ndaadin saax le. Xan a mbidin o kurul-keƥ a koom alaa fa taamaala fee.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Esayi 41:16

Xan o fees a den, nqeñ ne a maƥ a den, a und ale a pasar a den. Wo o mat, xan o felakinoox no Yaal oxe, fakoorit o Tedu xe Isra’el.»

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Yeremi 18:21

Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

A kim a tedu ke 1:4

Ndaa ey, soxodu we! Kaa nand nen ñaax laa nqeñ ne a yetnaa.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Heseki’el 24:25

O Yaal oxe kaa tee: «Wo fee o ƥiy no kiin o mat, a woora yee a koom alaa um suqitkaa na den ke refna doole den, o ɗaay den fo mosandoor den, ke yulna a kid den fo ke xeeñ den a yuxmaa, xa ƥiy xa koor axe fo xa tew axe den,

A cangatin ale 28:41

Xan nu njeg xa ƥiy xa koor fo xa tew, ndaa xan nu ñak a den, yaam xan a ƥisel gilaa saax took o hup doole.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

A cangatin ale 28:32

Xan xa ƥiy nuun xa koor fo xa tew a ƥoxotel na xa ƥay no qeet lakas ke na kid nuun, nu ƈooklooxaa a den ñaal oo ñaal, too nu mbaagkee teen tig.

A cangatin ale 28:18

Xan xa ƥiy axe ngatna no laaw nuun fo ke lanq ke nuun a mbatna a ngalakoox. Xan xa siir axe nuun fo a ked ake nuun a ngalakoox, a nqat.

Heseki’el 36:12

Xam ñaaƴnoor wiin we took nuun, a Isra’el fee xeet es, too xan a njegong. Xan o ref mbaafaap den, too salaxkatiro xa ƥiy den.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.