Yeremi 15:6 - NQAARIIT NE ROOG

⁶ Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 15:6 Referans Kwoze

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Sofoni 1:4

Xan o ɓay es a dal took Yudaa, ten fo we ngenna Yeerusaleem fop. Xam moocand no mbiñ onqeene ke yoqna na paɗax ale Baal, ñuf a kon ake no saasadax we ten fo ake no lakas we na mbaɗooxan.

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Heseki’el 25:7

ten taxu xan o ɓay es a dal took of, um ɓoxotong a saax ake, ndax da mbalit o jeg of fop, suudong a ndeer qeet ke soo moocandong a ndeer a saax ake. Xam saŋkong too xan o and ee mi refu o Yaal oxe.»

Yeremi 6:19

Lanq ke, nan-gilooxyo! Mi o mat na ɓisiidkaa took xeet fene taamaala fee a qalaat a paaxeer den a ndimna. Nan-gilooxee fa lay es too ngayee kebil es.

Yeremi 6:11

Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 1:16

Neene, xam fadin kate es took no we ngenna no saax le yaam paaxeer ke da mbi’na fop: kaa mbaasaam pelek, a ƥoxot cuuraay roog lakas, a ngungaa mbaambir ke xa ƥay den a njalna.

Hoose 4:16

Feek Isra’el kaa ɓoow boo nen naak faafañ, o Yaal oxe xaƴkiran ta jeg a xoox um nen mbaal kam xa suufand xa yaaju.

Heseki’el 14:9

O tuleer oxe a naxange boo a haƥat o ɗelem, mi o Yaal oxe naxkoogu o tuleer oxeene. Xan o ɓay es a dal took um, too xam suudin a ndeer Isra’el fee xeet es.

Yeremi 20:9

Maaga layaam ee: «Xalaatkatinum too laykatiim no gon um.» Kaa koy, kaa nand’u kam es nen fiɗel laa na kaƥaa, a wegoox na xa kiiƈ es. Jeemaanum o gadoox boo xij, ndaa waagatinum.

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Esayi 28:13

Xan fa lay fee no Yaal oxe a ref na den boog kebil took kebil, kebil took kebil, bargal took bargal, bargal took bargal, o ndik mene, o ndik maana. Ten taxu xan a lupaa xoox, yaa da ñaaƴaa soo a mbeñexoox, a mbogel soo a ndamel.

Esayi 31:3

Miimisira we wiin doŋ a ndefu, ndefee Roog. Pis ke den njer rek a ndefu, ndefee yiif. Yaa o Yaal oxe a yoɗkaa o ɓay um, oxe na ƴufgaa xan a tolof, oxe na ƴufgeel a yen, too den ɗik fop xan a saŋkoox.

Yeremi 6:12

Pind den xan a ndaawnel wiin lakas, xa qol den fo rew den fop, yaam xan o ɓay es a dal took no we ngenna no saax le. Mi o Yaal oxe layun.

Yeremi 7:16

«Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

Yeremi 8:9

Yaal-o-and we a seda ɓot, a ndiid soo a naagel jac a ndamel. Kaa nqeef fa lay fee no Yaal oxe, xar o and den a jiriñu boog?»

Heseki’el 35:3

Fat o lay ee: Keeke o Yaal oxe na refkaa boo faw a layu: Wo o joong ole Seyiir, xam ɓekong o ɓay. Mexe letnaa o ɓay es took of too xam yungandong, fi’ong o mbiñ o mbootu.

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 44:22

O Yaal oxe waagatee o muñ kañaan ne na pi nuun fo cednooxu ke nu mbi’na. Ten taxu saax le nuun a fes a pec, a wootat, a saloorteel, too genataand, ne ta refitna xaye.