Yeremi 15:4 - NQAARIIT NE ROOG

⁴ Neene, maat ke na adna fee fop xan a ndiid, yaa da nga’na ke fi’uuma a den. Keene refu a qaw ale no fop ke Manaase fee o ƥiy Hiskiya, o maad Yudaa, a fi’na kam Yeerusaleem.»

Yeremi 15:4 Referans Kwoze

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 29:18

Xam daabit a den xire, biim fa piste. Neene, maat ke na adna fee fop xan a ndiid, a njaq, yaa da nga’na a den. Xan a ndef saloor, o njaq, o ndiidlataand fo cednooxu a ndeer qeet ke fop pasar’uuma a den,

Heseki’el 23:46

Keeke o Yaal oxe na refkaa boo faw a layu: «Fat faan maak a ngaran a den, da ƥoxotel diid le, o jeg den a waltel.

A cangatin ale 28:25

Xan o Yaal oxe a ci fañ nuun o ndam took nuun. A yaj a leng nu mbi’kaa, yaa nu songkaa a den, soo pictoor a yaj ɓetaa ƭaq, ngod o joor. Xan maat ke no lanq ke fop a njaaxiɗ yaa da nga’kaa ke dalna a nuun.

Yeremi 34:17

Ten taxu, mi o Yaal oxe um lay a nuun ee: Nu nan-gilooxiraam, ndax oxuu refna na nuun a yegnit a bat ale no pog um fo no kend um. Yaaga koy, mi o Yaal oxe, mexe yegnitaa yee xam waas xire fee, piste fee fo biim le, da yen took nuun, ndax maat ke na adna fee fop a ndiid, yaa da nga’kaa a nuun.

2 Maad we 21:2

Manaase a fi’a kaa faaxeerna na kid no Yaal oxe, a sooboox na pi a cednooxu ke no qeet ke o Yaal oxe a rax’ina mbaambir Ii-isra’el we.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

2 Maad we 21:1

Manaase a jeg’a xa kiid xarɓaxay fo xa kiid xa ƭaq ye ta sogna refaa o maad. A maadooxa xa kiid qarɓeen ƥetik fo xa kiid xa ƥetaq kam Yeerusaleem. Ya um Hefsiba a ne’’e.

2 Caloori ke 33:1

Manaase a jeg’a xa kiid xarɓaxay fo xa kiid xa ƭaq ye ta sogna refaa o maad. A maadooxa xa kiid qarɓeen ƥetik fo xa kiid xa ƥetaq kam Yeerusaleem.

2 Caloori ke 33:2

A fi’a kaa faaxeerna na kid no Yaal oxe, a sooboox na pi a cednooxu ke no qeet ke o Yaal oxe a rax’ina no saax le ndax ta dalin a Isra’el fee xeet um.

Heseki’el 18:19

Kaa nu layaa yee: ‹Xar taxu o ƥiy onqe naagee o gadooxaa tooñ faap um?› O nanangaan kaa o ƥiy onqe a fesoor a ƭat fo o cofel, a gay soo a reef bargal es fop, too a woora yee xan a ñoow.

2 Maad we 21:15

yaam kaa mbi kaa faaxeerna na kid es, a mbuuxnooraam no kaa xotitna a koom alaa suttuuma daan den Misira boo xaye.»