3 O Yaal oxe kaa tee: «Xa qos xa nahaq a ƭom um xawitkaa a den: Laƥ ne xan a war a den, xa ƥox axe a listir a den soo a tud ake fo ƥaaɓaan ke a ñaam a den, a salax a den.
Xam ɓakandiid kam saax nuun ƥaaɓaan ke na koƥ ale, da mbar xa ƥiy axe nuun, a saŋik cegel ke nuun soo a nqaƴ na nuun yoqatin dutuuñ, too xan a ƭat ake nuun a mbootat.
Mi o mat oo, keeke refu ke um fi’kaa a nuun: Xam fudin took nuun taamaala: A cir akaa na ŋeesaa a nuun fo a sumaan alaa na niifaarinkaa a kid nuun soo a ɓuus xa laaw nuun. Xan nu nduuf ax nuun no kasaara, yaam fañ we nuun na muudnoorkan.
Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.
Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,
Xam ɓisiid xire kam saax nuun, ndax um xaw a nuun, yaam ne nu ƭegna ngiɓoor es. Xan nu laqooxaa kam teeru ke, ndaa yaaga yoo um fudniid piste a ndeer nuun boo nu ƥoxotoox no fañ nuun.
Ndax we jeg’uuma ndefee na mi nen ndiiƭ njeel ndaadam naa tiiƭ taadam lakas ke a songna o saax oo saax? ‹Ndetyo mbokat ƥaaɓaan ke na koƥ ale fop! Ƥisiidyo a den da ñaam!›
Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.
Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»
Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.
A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»