Yeremi 15:18 - NQAARIIT NE ROOG

¹⁸ Xar taxu coono es a gen kili? Xar taxu boo uut le mi waagee o wod, a fañ faƥit ee fi’kee aak? No ndigil kaa o ref na mi nen a ƈufnand alaa na ŋiisaa, nen poofi kaa na naxaa oxe hoɗomeena.

Yeremi 15:18 Referans Kwoze

Yeremi 30:15

Xar taxu o ɗomatooxaa yaam ngaañax ne wo fo o ƭomel ole wo waageerna o wod? Tooñ mayu ke wo fo pakaad magnu ke wo taxu um fi’ong keene.

Ke bindeena no xe ne’eena YOB 34:6

Ndigil kak layum, soo fi’el o maamaaɓ. Jir le mi kaa ɗom lool, too bakaadiim.»

Mise 1:9

Uut le ten waagee wod. Kaa xay boo Yudaa, a daaw tokand ke Yeerusaleem, me xeet es a genna.

Yeremi 30:12

Keeke o Yaal oxe a layu: «Ngaañax ne wo waagee o wod, too uut le wo a ɗoma lool.

Yeremi 20:7

O Yaal oxe, naxaxamo too yenaam me ɗaapanaxamoona. Naagaxamo nuus fa doole soo maafaam. Kaam gen no jaleel bes fuu refna, fop a nqaadnooxaxam.

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Yeremi 14:3

Wiin maak we a lula fo mboƭomsogor ne, da mbaaƭik foofi. Ye weene a mbadiidna no pand ke, soƥee teen foofi soo a nomtooxiid fo qaw ƥor, a may fo gaci, a sed, a muuroox.

A kim a tedu ke 6:3

O Yaal oxe, yirmaam, yaam kaam ñak doole. Wodandaam, o Yaal oxe, yaam kaam sendaa ne fodeema fop,

Mise 1:14

Nuun wiin we Yudaa, cooxyo teeru fee Moreset-Gaat njogol! Pind ke Aksib xan a tas yaakaar no maad we Isra’el.

Ke bindeena no xe ne’eena YOB 14:11

A banj ake xan a ñak foofi, xa quluɓ axe a ŋiis soo a mbeer koroŋ.

Yeremi 20:18

Xar taxu boog um sutoox no fud ya es, ndax um ñoowaa no coono fo na naqad soo xa yeng es a muukooraa gaci?