Yeremi 15:15 - NQAARIIT NE ROOG

¹⁵ Kaa koy, wo o Yaal oxe andaa fop. Wetandooxaam, saytooxaam soo rabdinooxanaam no ñaañagadil we mi. Ba o xaƴaam um loroox no muñ ole wo took no fañ es, wo fee niidna o fuux. Andi yee wo taxaxam o weneel.

Yeremi 15:15 Referans Kwoze

Yeremi 12:3

Wo o Yaal oxe, andaxamo, kaa o ga’axam soo horooxaa xeeñ es paam of. Sayi soxodu we nen paal kaa na ƥiseel no warand, kesan a den bes fee na saŋik ale.

YEGIL MBAAX NE YEESU ne Lik a bindtuuna 21:17

Xan fop a sib a nuun yaam gon es.

Yeremi 20:12

O Yaal oxe Hupna fop wo andu oxe jofna, horooxaa a pug fo a qalaat a ƭasu ke. Xam ga ndabdinax of took den, yaam wo doxnum nqeloor es.

Yeremi 17:16

Refee yee mi riñong o fi taamaala fee, saliim ñaal naqad ne a gar. Wo, andaa ke hatna no don es, mbaambir of layum.

Nehemi 13:22

Heblaam itam Leelewi we da ƥogdoox soo a yetooxiid tokand ke, ndax da tedland bes fee na ñootnax ale. «Roog es, wetandooxaam yaam keene itam too yirmaam yaam o paaxel o maak of!»

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

Yeremi 20:8

A mbanuu haƥatuuma o don es, waraam o wuuq, yegnit a ƭom-yedar fo ñagadil. Fa lay fee no Yaal oxe na taxaxam o xaadnooxeel soo weneel bes fuu refna.

A kim a tedu ke 119:84

Kaam bugko cungaa boo a mban, mi fee o tag of? A mban o hate’kaa we na ñagadilaxam?

A kim a tedu ke 106:4

O Yaal oxe, wetandooxaam, yaa o yirimkaa xeet of, ba o weecaam, yaa o mucilkan.

Nehemi 5:19

«Roog es, wetandooxaam fo o paaxel yaam fop ke fi’anuuma xeet fene.»

Mbeeñil 18:20

Ten taxu wo asamaan, felakinooxi! Nuun we mbogna na Roog fo apootar we fo duleer we, kaam ee mbelakinooxyo, no ne Roog a hate’na teeru feene yaam ɗom le ta fi’na a nuun.»

Mbeeñil 6:10

Kaa mbalalooxoogu a maak ee: «O Yaal o tedu fo o tigil oxe, boo a mban o cungkaa ndax o hate we ngenna na adna fee, xaw a den, yaam ne da mbar’ina a in?»

2 Timote 4:14

Aleksaandar o paal o tafax oxe a fi’axam ƭomu, ndaa xan o Yaal oxe a rabdin a pi um.

2 Korint 5:11

Neene boog, i anda ke refna o saɗar o Yaal oxe, too kaa i mbaaƭaa maa i njegitna wiin we. Roog koy, a anda a in, too yaakaaraam ee nuun fa qoox nuun kam a yiif nuun, nu anda ke i ndefna itam.

O leetar ole Pool a bindna GIMU WE NGENNA ROM 12:19

Qaariit es, ba nu ndabdinooxan a qoox nuun muk, ndaa nqaƴyo Roog a ɗaxit fuux um. Yaam a laye na Pind a Tedu ke yee: «Mi ndabdinax a helu, too mi na rabidkaa.» Keene o mat o Yaal oxe a layu.

Mace 19:29

Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.

Yeremi 15:10

Sabab took es! Xar taxu o rimaam, wo ya es? Kaam ref o kiin o cofooraand fo o baagraand no saax le fop. Luɓiim too ɓandtiim, ndaa yaqanee fop kaa salooxaxam.

Esayi 38:3

Kaa layoogu yee: «Ey, o Yaal oxe, wetandooxi yee ñaaƴaam mbaambir of fo ngor fo kam fa letu, too ke feloonga rek fi’oogum.» Cinj kaaga, xa kooniit um a yuura, ta naag ɓusiid a lool.

A kim a tedu ke 102:24

Ye reeƭuuma na ƭat, a paanga doole es, a wañ a pe es.

A kim a tedu ke 39:13

O Yaal oxe, nan-gilooxi a qeƭ es, rung nof no ƈufginax es! Ba o nuunufaanoox xa lool axe mi, yaam o kenar refum na adna, o tak-a-faaf nen daan es fop.

A kim a tedu ke 17:3

Kaa o ɓaalaa xeeñ es, horooxaxam no yeng ole, ɗeetlooxaxam, ndaa ga’iro dara, yaam ke refna kam es um layaa.

Ke bindeena no xe ne’eena YOB 10:7

Andaa xil ee tooñiim, too o leng waagee suqit tig na xa ƥay of?

Nehemi 13:31

Dalnatinaam itam sadax ke na xa cuuƭ axe mbareena o ƥisiid no fo ngap ne simteena fo fee no ke eetna o foor no duufe le. «Roog es, wetandooxaam fo o paaxel.»

Nehemi 6:14

«Roog es, wetandooxi ke Tobiya fa Sanbalat a mbi’na fo itam Nowadiya fee o tuleer o tew oxe fo duleer lakas we njeemoogaxama o ndiidland.»

O leetar ole Pool a bindna GIMU WE NGENNA ROM 8:35

Xar waagu boog o saƭtirand a in fo o mbeq onqe Kiristaa? Ndax coono a refkaa boog, ndi o laaw o xaƭa, ndi ñagadil mbaat nqeex mbaat a ƥangid mbaat taamaala mbaat fa nqon?

Haahate we 16:28

Maaga, Samson a ƴufginooxa o Yaal oxe, a lay ee: «O Yaal oxe na refkaa boo faw, ngela wetandooxaam! Wo Roog, ci’atinaam doole no jaf leeke doŋ, ndax um rabdinoox jaf leng kut took no Fiifilista we, na kid es ake ñakuuma.»

A kim a tedu ke 44:22

refkoogee kunpa of, yaam andaa kunpa ke no xeeñ no kiin.

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Yeremi 20:11

Kaa koy, o Yaal oxe xey fa mi nen a salma-koor a cegu doole. Ten taxu we na ñagadilaxam xan a tolof too mbaagankiraam o sep. Xan a sed ɓot, yaam ne da njegeerna ne da mbugna, a ngaci boo faw, too o leng weeckiran.

Yeremi 18:23

Wo o Yaal oxe koy, andaa kukir ke den fop, ndax da mbarnooraam. Ba o waasan a den tooñ den too ba o forit bakaad den mbaambir of. Yaasam da maafel na kid of! Ɓeki a den o ɓay yaa fo fuux of!»

A ƭomatax ake 3:64

O Yaal oxe, ɓoxoti a den ndabid jale na xa ƥay den!

A ƭomatax ake 3:66

Wo o Yaal oxe, daabi a den kam fuux le wo soo saŋik a den, boo ndefkatee ɗuga asamaan fee wo!