Yeremi 15:14 - NQAARIIT NE ROOG

¹⁴ Xam fi’ong o paɗ no fañ of kam saax laa andeeroona, yaam fiɗel le no fuux es a biltooxa too xan a raaɓ a nuun.»

Yeremi 15:14 Referans Kwoze

Yeremi 16:13

Ten taxu xam deɓ a nuun maa goƭna saax lene, no saax lakas laa nu andeerna, nuun fo daan nuun. Xan nu mbaɗooxaa maaga roog lakas, ñaal fo o yeng, yaam yirimkiim a nuun.› »

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

Yeremi 17:4

Xan nu ñak lam ne ci’’uuma a nuun. Xam fi a nuun faɗ no fañ nuun no saax laa nu andeerna. Yaam nu ngeƥanda fuux le mi, too xan a kaƥaa boo kili.»

A kim a tedu ke 21:9

Xan o ɓay of a dal took no fañ of, a ñamaak of a daaw we siboonga fop.

A cangatin ale 28:36

Xan o Yaal oxe a ñaaƴnoor a nuun, nuun fo o maad oxe nu ndalnankaa a qoox nuun, farna fa xeet faa nu andeerna, daan nuun and’iran, soo nu mbaɗooxaa maaga roog lakas kaa ndefna a teex fo a ƥil.

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

Hebre 12:29

Yaam Roog fee in kat, kaa ref fiɗel laa na raaɓaa.

Amos 5:27

Ten taxu xam fi nu ƥisel took o hup doole kaltaa Damaas.» Keene mat o Yaal oxe gon um a refna Roog fee Hupna fop a layu.

Yeremi 52:27

O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.

Yeremi 15:4

Neene, maat ke na adna fee fop xan a ndiid, yaa da nga’na ke fi’uuma a den. Keene refu a qaw ale no fop ke Manaase fee o ƥiy Hiskiya, o maad Yudaa, a fi’na kam Yeerusaleem.»

Yeremi 14:18

Um sutooxangaa na koƥ alaa, waa yenitna na xire doŋ um ga’aa, um rokiid kam teeru fee, ga’aa waa na nqonaa fo nqeex. O tuleer oxe fo o saasadax oxe sax owe mbidaa kam saax le, ndaa andee xar a ngelu o mbi.»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Esayi 42:25

Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

A cangatin ale 28:25

Xan o Yaal oxe a ci fañ nuun o ndam took nuun. A yaj a leng nu mbi’kaa, yaa nu songkaa a den, soo pictoor a yaj ɓetaa ƭaq, ngod o joor. Xan maat ke no lanq ke fop a njaaxiɗ yaa da nga’kaa ke dalna a nuun.