Yeremi 15:10 - NQAARIIT NE ROOG

¹⁰ Sabab took es! Xar taxu o rimaam, wo ya es? Kaam ref o kiin o cofooraand fo o baagraand no saax le fop. Luɓiim too ɓandtiim, ndaa yaqanee fop kaa salooxaxam.

Yeremi 15:10 Referans Kwoze

YEGIL MBAAX NE YEESU ne Lik a bindtuuna 6:22

Boo andoona yee nu sibe mbaat nu ndaxel mbaat nu mbenel mbaat nu mberanel paaxeer kuu refna yaam o Ƥeenqe no kiin oxe, nu ƭaaya.

A sutax ale 22:25

Boo o kiin a tayle’oonga ndoki um, nomteen o ten boo njeeƈ ne a helko fo mudaa,

YEGIL MBAAX NE YEESU ne Lik a bindtuuna 2:34

Simewon a barke’a a den, too a laya a Mari fee ya Yeesu yee: «O ƥiy onqene kaa maafiid too a yoɗiid wiin mayu na Isra’el. Xan a ref o anddiloor olaa na ɓisiidkaa njuumoor.

Mace 24:9

Na jamaane faaga, xan wiin we a ƥoxot a nuun nu ñagadilel. Xan a mbarnoor a nuun itam, too xan qeet ke fop a sib a nuun yaam gon es.

Mace 5:44

Mi o mat, mexe layaa a nuun ee: Mbexyo fañ nuun, nqeɗanaa we na ñagadilaa a nuun.

Yeremi 15:20

Xam fi’ong na xeet fene tabax nqanjar saƭku koŋ. Xan da ñoxor fa wo, ndaa mbaagankirang dara, yaam mexey fa wo, ndax um muclong soo watong. Mi o Yaal oxe layun.

Xa peƭit axe 26:2

Ne ndiiƭ a waaslooraa, ne o helaar-roog a yettaa, neene a salax alaa saxeerna sen a nandu. Ɗaxee tus.

A kim a tedu ke 109:28

A mbugoo saloox, ndaa wo o mat kaa o barke’aa. A mbuga yoo inooxanaam, ndaa xan a sed, mi fee o tag of o mat, um ref no ɗaay.

A kim a tedu ke 15:5

Ɓanditkee xaaliis ndax ta rimandin too jaɓkee gerel ndax ta seede’an o cofu xe cegeer. Oxuu na fesooraa neene, tolofkee muk.

1 Maad we 22:8

O maad oxe Isra’el a doonaan ee: «Aha kañ, a jega o lakas de! Kaa koy, kaam sibin, yaam paaxeer rek a yegnaxam, mosiraam o yegin paax muk. Ten refu Mikaya fee o ƥiy Yimla.» Yosafat a layaan ee: «Ba o lay keene!»

1 Maad we 21:20

Ye Ahab a ga’na a Eliya, a layaan ee: «Ey! O pañ oxe mi, garahinaa de!» Eliya a doonaan ee: «Ii, garahinaam moos, yaam kaa o jikooxaa a xoox of, ndax o fi paaxeer na kid no Yaal oxe.

A paɗax ale 25:36

Xotitkiro no ten ndimand ngupu, ndaa fat o saɗar a Roog of too fi boo oxeene a waag o ñoowaa paam of.

A pi ake 28:22

Kaa koy, i mbugaang o nan-giloox a paax, o lay ke o xalaataa, yaam i anda yee a ƭat aleene fogoona kaa fañel muu refna.»

A paɗax ale 25:37

Boo o ɓandan xaaliis, ba o laacin ndimand ngupu, too bo o cooxan ñaamel itam, ba o laamtin ta daknong kaa hupna.

A kim a tedu ke 69:4

Waagatiim dara yaam xa buuq. O faƭanq es kaa weer koroŋ, a kid es a nqooɗat bo, yaam ne um cungaa a Roog es.

Habakuk 1:3

Xar taxu o ga’nooraxam paaxeer ke soo fuudaa njofaƭar ne? Toroxand fo a ƭom-yedar soom um ga’aa, qasir ƥor fo ñimatir a ndef me widaxama.