Yeremi 15:1 - NQAARIIT NE ROOG

¹ O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Yeremi 15:1 Referans Kwoze

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Yeremi 14:11

Cinj kaaga, o Yaal oxe a layaxam ee: «Ba o xeɗan xeet feene kaa maluuna.

Yeremi 11:14

Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

A kim a tedu ke 106:23

Kaa heboox’u o saŋik a den, ndaa Moyiis fee ta jil’ina a xeɗooxaan, boo ta waas fuux le ten, a fañat o moocand a den.

A kim a tedu ke 99:6

Moyiis fa Aaroon we mbog’ina no saasadax we ten, Sami’el no we ƈufginooroogna gon um, a ƈufginooxooga o Yaal oxe, too a jaaɓooga a den.

1 Sami’el 12:23

Mi fa xoox es koy, xam wootooxaa o tooñ o Yaal oxe yaam o ñak o xeɗan a nuun soo fañ o jangin a nuun kili a ƭat a paax a cofu le.

2 Maad we 17:20

Ten taxu o Yaal oxe a deɓ xa taan axe Isra’el fop ne da mbodeena, a neewand a den soo a ɓoxot a den na xa ƥay no we njangaloogna a den boo a paf o deɓ a den maa goƭuuna.

1 Sami’el 7:9

Sami’el a janga o njuk mbaal onqaa roɓafuleerna, a ɓoxotin o Yaal oxe ne ta fodeena fop, ta ref sadax fa ndoxel. Cinj kaaga, a xeɗooxana Ii-isra’el we me no Yaal oxe, too o Yaal oxe a jaɓa a qeƭ um.

Yeremi 52:3

Keene a xewa, yaam ne o Yaal oxe a fuuxanna a Yeerusaleem fa Yudaa boo a deɓ a den maa goƭuuna. Sedekiya a siiknoora fo o maad oxe Babilon.

Yeremi 23:39

xam waas a nuun pelek, deɓ a nuun maa goƭna mukit es, nuun fa teeru fee coox’uuma a nuun fo daan we nuun.

Yeremi 18:20

Ndax paax a naaga rabditeel paaxeer? Yaam a mbaqanaxam gamb, ndax da njang o ñis es. Wetandooxi yee geenoox’aam mbaambir of, ndax um lay na den paax, ɓoosdand fuux of fa den.

Yeremi 15:19

Maaga o Yaal oxe a doonaxam ee: «O nomtooxiidangaa me mi, xam xotatinong no calel es. O jektirandangaa ke jegna o njiriiñ fo xa ƥaral, yaaga xan o ref o coojo’it es. Wiin we Yudaa xan a nomtooxiid me wo, ndaa refee yee wo na nomtooxkaa me den.

Xa peƭit axe 14:35

O tag o paax kaa felaa o maad oxe, o tag o paaxaƭaru mat a fuuxnooran.

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

Yeremi 35:19

Ten taxu, keeke layum, mi o Yaal oxe Roog fee Isra’el Hupna fop: Yoonadab fee o ƥiy Rekab ñakkatee muk xa taan axaa na ndagooxaxam.› »

Haahate we 5:9

Kelfa ke Isra’el owey no xeeñ es, den fo we na xeet fee njagandooxanna xire. Ngidimyo o Yaal oxe!

Mberaand 19:27

Abraham a inooxa ƥiiɓ teel ndax ta ret no mbiñ onqe ta geenoor’ina mbaambir no Yaal oxe.

Sakari 3:3

Yosuwe kaa geenoox’u mbaambir malaaka fee, a rokoox tikoorik toɗgu.

A cangatin ale 9:26

Xeɗaam o Yaal oxe yee: ‹O Yaal oxe na refkaa boo faw, ba o saŋik xeet fee jegoodoona, watoona kam o magnel of, sutin Misira na pexey o ɓay o jegu doole le wo.

1 Sami’el 12:19

Xeet faa fop a laya a Sami’el ee: «Xeɗooxani a in o Yaal oxe Roog of, in we dag of, ndax i saŋkooxkee, yaam i ƥaata no pakaad in a qeƭ ale no maad oxe.»

Yeremi 9:19

Nuun rew we, nan-gilooxyo boog fa lay fee no Yaal oxe, mbet nof nuun no ke ta layaa! Aqatinyo xa ƥiy xa tew axe nuun a ƭomatax, oxuu refna a jangin o tew o kend um ƭomatax nene:

Yeremi 10:18

yaam keeke o Yaal oxe a layu: «Jaf leeke, xam suusaand we ngenna no saax le. Xam fiiqil a den ƭomu, ndax da naagel nuus.»

Yeremi 16:5

O Yaal oxe a layahinaxam ee: «Ba o rok no mbind naa na nqaaraandaa, ba o maad a mboy, ba o jaap o leng, yaam suqtaam na xeet fene nqaariit es, o paaxel es fa yirmande es. Mi o Yaal oxe layun.

Yeremi 16:13

Ten taxu xam deɓ a nuun maa goƭna saax lene, no saax lakas laa nu andeerna, nuun fo daan nuun. Xan nu mbaɗooxaa maaga roog lakas, ñaal fo o yeng, yaam yirimkiim a nuun.› »

Yeremi 22:28

Kaa laamteel ee: «Ndax Yoyakin fene kaa ref nqaw ƭok naa jiriiñateerna tus, a gef, o ƥaxañ olaa o leng a bugateerna? Xar taxu da ndeɓel, ten fo xa taan um, a ndaxel no saax laa da andeerna?»

Heseki’el 22:30

Waaƭaam a ndeer den o koor oxaa maxanna a den saŋe, a geenoox mbaambir es no gur ole, a farit saax le, ndax gefkinum, ndaa koy ga’iim.

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Hoose 9:15

«Kañaan den fop a feeñta Gilgal. Maaga o mat sibditum a den. Xam raxit a den no saax es yaam a pi a paaxeer ake den. Fexkatiim a den, yaam kelfa ke den fop faafañ a ndefu.