Yeremi 14:9 - NQAARIIT NE ROOG

⁹ Xar taxu o ref nen o koor o caqu, nen a salma-koor alaa waageerna o mucil? Yaag oo toox de, woxey a ndeer in, wo o Yaal oxe, too kaa i kesanel a wo. Ba o xaƴ a in boog.

Yeremi 14:9 Referans Kwoze

Esayi 63:19

Ndiiki kaa i nand nen waa moseeroona o maadooxan, nen waa moseeroona o jeg no gon of. Koo qaaci asamaan fee soo fudooxiid, ndax xa coong axe a ngirdoox mbaambir of,

Esayi 59:1

Ba nu mboog ee o ɓay no Yaal oxe kaa raƥ boo waagee o mucil a nuun mbaat nof um a mbeƭar boo waagee o nan a nuun.

Yeremi 15:16

Fa lay of oxaa fadiid’aa me mi, kaam xamboogun. Kaa reeƭu na mi baneex fo o ɗaay xeeñ es, yaam kaam kesanel a wo, wo o Yaal oxe Roog fee Hupna fop.

A kim a tedu ke 46:5

O xuluɓ ole fo a ƈufnand um kaa ƭaayandaa teeru fee Roog, kenand tedu ke no xe Took-ee-took.

A lim ale 11:23

O Yaal oxe a doona a Moyiis ee: «Ndax a jega kaa xoxaxama? Ndiiki o ga, ndax ke layoonga xan a jeg mbaat jegkee.»

Hebre 13:5

Baa o ñoow nuun a haan na baaƭ xaaliis soom. Ndamyo no ke nu njegna rek, yaam Roog kaa lay ee: «Xaƴkiroong muk too deɓkiroong»

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Sakari 2:5

Yoɗaam a kid es too ga’aam kam mbeeñil o koor oxaa pokooxna o ƥaak o liiƥir.

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Esayi 51:9

Yokooxi, a ñamaak ale no Yaal oxe! Ñofi yokoox! Rokooxi katil! Yokooxi nen a pe ake yaaga, no camaane ke mbaafna. Ndax refee yee wo maafu a Rahab junjang, wo dib’u a Niŋki-naŋka boo ta suur?

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

A kim a tedu ke 27:9

Ba o ɗasnaam mukit of mbaat o raxtaam fuux of, mi fee o tag of. Wo refu ƈufig es, ba o deɓaam mbaat o waasaam, wo Roog fee o Muumucil es.

1 Sami’el 12:22

O Yaal oxe xaƴkee a nuun yaam gon maak le ten fo ne ta heboox’ina yaaga o fi a nuun xeet um, ten fa xoox um.

A cangatin ale 23:14

Fat o qiixire xuu refna a ɓonoox kasir, ndax a retangaa tafil mbind, ta gas a lanq soo cinj kaaga ta uup ñaaƈlax ke.

A pi ake 15:17

ndax ke yoqna no wiin we a mbaaƭaam, mi o Yaal oxe, qeet ke fop xoyuuma ndax um jeg a den.

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Habakuk 1:2

O Yaal oxe, kaam bugko ƴufginooxang boo a mban, soo o fañaam o nan-giloox? Kaam bugko faɗooxaa yee: «A ƭom-yedar oo!» boo a mban, soo o fañ o ƴufig?

A cangatin ale 28:10

Xan qeet ke no lanq ke fop a nga ee kaa nu kesanel o Yaal oxe, too xan a saɗar a nuun.

2 Caloori ke 7:14

maaga, xeet es fee ci’uuma gon es a neewandooxangaa, a nqeɗ, a mbaaƭaam, soo a mbes a cinj a ƭat a paaxeer ale den, yaaga xam nan-giloorit a den na asamaan, waasanit paakaad den soo naatandahin saax den.

A kim a tedu ke 10:1

O Yaal oxe, xar taxu o fod koƭu? Xar taxu o ɗasaa a in, yaa naqad a jegna?

Esayi 43:7

Nomtiidyo we na nqoyooxaa gon es, fop we sakuuma, mool a den, fi a den, ndax da lalit o ndam es.»

Yeremi 51:5

Mi o Yaal oxe Roog fee Hupna fop, waasiim a Isra’el fa Yudaa, ke saax den a mayna may fo tooñ fop oo mbaambir es, mi o Tedu xe Isra’el.»

A ƭomatax ake 5:20

Xar na taxkaa o weec a in boo faw, waas a in pelek?

Sakari 8:3

Xam nomtoox Siyoŋ, gen a ndeer Yeerusaleem. Yeerusaleem xan a xoyateel ‹Teeru fa ngore’u fee›, soo o joong ole mi a xoyeel ‹o Joong o tedu le›. Mi o Yaal oxe Hupna fop layun.