Yeremi 14:8 - NQAARIIT NE ROOG

⁸ Wo fee refna yaakaar Isra’el, o Muumucil um yaa fa naqad fee, xar taxu o ref nen o kenar kam saax le, nen o ñaañaaƴ oxaa ɗapiidna, ndax ta fe doŋ?

Yeremi 14:8 Referans Kwoze

Yeremi 17:13

O Yaal oxe, wo refu yaakaar Isra’el! Fop we na mbaasang xan a sed, we mbesoonga a cinj xan a sooƴ nen a kon akaa mbindeena a lanq, yaam kaa mbaasong, wo o Yaal oxe, a cur foofi fo ñoow ole.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

Esayi 43:3

yaam mi refu o Yaal oxe Roog of, o Tedu xe Isra’el, refna o Muumucil of. Xam cooxit a Misira ta ref a bateer of, Kuus fa Seeba a softel a wo.

A kim a tedu ke 50:15

Ƴufginooxaam, yaa refoona na naqad, xam muclong, soo o ɓoxotaam o ndam.»

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Esayi 43:11

Mi doŋ, mi refu o Yaal oxe, too jegee o muumucil o lakas, a refangee mi.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

A pi ake 28:20

Ten taxu um xeɗ, ndax um ga a nuun boo lay fa nuun, yaam oxe xeet fee Isra’el a yaakaarna taxu um kepel a cengir akeeke.»

Esayi 45:15

Wo Roog fee Isra’el na muclaa, no ndigil Roog fa kunpa’u refo.

A kim a tedu ke 138:7

Boo um ñaaƴaa kam naqad fee, kaa o ñoowdandaxam. Fañ es we mbuuxna, kaa o doonaa a den o ɓay, a ñamaak of a muclaxam.

A kim a tedu ke 91:15

Xan a ƴufginooxaam, too xam jaaɓin. Xam ref fo ten, yaa ta refna na naqad. Xam watin, ɓoxotin o ndam.

A kim a tedu ke 46:1

O yaal a ƭat ale no jeejeek we a xoolne yee a kim alene kaa fog na ke no Kookoora we, a gimteel o ñuxur o weelu.

A kim a tedu ke 9:9

Xan a hate adna fee fo o cofel soo a ɓoxot qeet ke ɓur na ƭat.

A kim a tedu ke 10:1

O Yaal oxe, xar taxu o fod koƭu? Xar taxu o ɗasaa a in, yaa naqad a jegna?

Haahate we 19:17

Ye ta yoɗna a kid um, a ga’a o ñaaƴ oxe moof’ina na baayo fee na teeru fee soo a laamtin ee: «Mam inooro soo jofaa mam?»

A kim a tedu ke 71:5

O Yaal oxe na refkaa boo faw, wo yaakaarum, hoolooxong no kaa xotitna no ndeƥandoong es.

Esayi 63:8

Kaa lay’u yee: «No ndigil den ndefu xeet es, kaa ndef na mi xa ƥiy axaa ngodkeeraxama.» Ten oo a reeƭata o Muumucil den.

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Sakari 9:12

Nuun faɗ we njegna yaakaar, nomtooxyo no mbiñ o mbooru nqe nuun! Xaye sax mexe layaa a nuun ee xam rabid a nuun coono nuun boo a caf a ƭak.

A kim a tedu ke 46:2

Roog refu njaɓnooxand in fa doole in. Kaa ƴufgaa a in kili kam naqad ke.

Esayi 33:2

O Yaal oxe, yirmi a in! Na wo i yaakaaru. Refi doole in nqes nuu refna fo a muc in itam yaa fa naqad fee.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.