Yeremi 14:7 - NQAARIIT NE ROOG

⁷ Ke tooñ ke in a njambaa a in fop oo, fi’i tig yaam gon of, wo o Yaal oxe yaam ngore’aƭar ne in a maya lool, i mbakaada na wo.

Yeremi 14:7 Referans Kwoze

Hoose 5:5

O nga’atinax onqe Isra’el na seede’anan, Efrayim xan a tolof yaam tooñ um, Yudaa itam a tolof fo ten.

A kim a tedu ke 25:11

O Yaal oxe, waasanaam tooñ es yaam oxe refoona, tooñ es ke mayna lool.

Yeremi 5:6

Ten taxu xan njogoy a suqtoor no suungaan le, a song a den, a teeteem ale no tan ole a fand a den, o ƴaxal ole a ɓeedaa paam teeru ke den soo a listaa fop we na sutooraa teen, yaam siiknoor ke den kaa moƴaa moƴ o may, too ngore’aƭar den o leng andee ne ta fodna.

Esayi 59:12

Kaa i nanaƭaranong a caf a mayu. Tooñ ke in kaa njambaa a in, pakaad in a nqox na yiif in, too i anddilooxata tooñ ke in.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Efees 1:12

Fat i simat boog o magnel ole Roog, in Yaawuur we ndoonna yaakaar in na Kiristaa yaaga garafulee.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Heseki’el 20:22

Yaqanee koy, damaam o ɓay es, fañin o fi yaam gon es, ndik ta maasandel na kid no qeet ke maad’ina ye um sutaa a den Misira.

Heseki’el 20:14

Yaqanee koy, fi’inum yaam gon es, ndik ta maasandel na kid no qeet ke maad’ina ye um sutaa a den no saax le Misira.

Heseki’el 20:9

Yaqanee koy, fi’inum yaam gon es, ndik ta maasandel na kid no qeet ke da ndeeƭna a ndeer den, ye andnooxuuma a den, ndax um sut a den no saax le Misira.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

A kim a tedu ke 115:1

Baa ref na in, o Yaal oxe, kaam ee baa ref na in, ndaa no gon of ɓoxoti o ndam, yaam kaa o jeg o mbeq fo ngor!

Esdaraas 9:15

O Yaal oxe Roog fee Isra’el, kaa o jof, yaam xaye kaa i yoqat onqaa mucna. In wey mbaambir of, sufoox tooñ in, too o leng waagee o geenoor neene mbaambir of.»

Yosuwe 7:9

Xan Kaakanaan we fo we ngenna no saax le fop a yegin, a mbid a in o kurul-keƥ soo a moocand a kon in no saax le. Ndi yaaga nam gon of a jegitkaa o ndam?»

A cangatin ale 32:27

um fañoogangee fañ we a mbenaam, a ngamit a pi es ake den, a mbakooxaa yee: ‹In mbi’u keene, too o Yaal oxe niinee teen dara.›

Yeremi 8:14

Xar taxu i moof a moof a ƥor? Mbokatooryo kañ, i ndet no teeru cegu saŋe ke, ndax i saŋkoor maaga! Yaam o Yaal oxe Roog in took o saŋik a in a jofu, a yernoor a in foofi laa jegna ndoxar, yaam i mbakaada no Yaal oxe.

A kim a tedu ke 79:9

Roog o Muumucil in, gari dimle a in yaam o ndam onqe no gon of. Forti pakaad in, wat a in yaam oxe refoona.

Esayi 48:11

Um fesoorangaa neene, mi fa xoox es taxun, ii, mi soom taxun, yaam waagiim o jaɓ muk gon es a niwaƭarel. Waagiim o xaƴan lakas we o ndam onqe helaxama.»

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Amos 7:2

tooroog ke a inoox, a yen took ke na saxatinaa, a ñaamin bo tee tak. Naaga dalfooxaam o lay ee: «O Yaal oxe na refkaa boo faw, kaaga hupa jeg fe! Waagiro wuus a Yakoob? Tooroog ke a ñaamangaa fop, xar a ñoowitkaa koy too o ndoole reefiran?»

Yeremi 5:25

Tooñ ke nuun o mat nootu keene fop, pakaad ke nuun a nqañ a nuun paax keene.

Yeremi 10:19

Yeerusaleem a falalooxa yee: «Sabab took es, yaam yaqooxaam pic! Uut le mi waagee o wod, mi fee layoogna yee: Keene soom a reeƭangaa coono es, hatilkoogaanum.

Mise 7:9

Feek kaa i mbakaad no Yaal oxe, xan i ngadoox fuux le ten, boo yaa ta layoorankaa a in soo a ɓoxot a in ɓur. Xan a ɓek a in na qoolaand ale, too xan i nga ee xan a mucil a in.