Biblia Todo Logo
Bib sou entènèt

- Piblisite -




Yeremi 14:16 - NQAARIIT NE ROOG

16 Xeet fee da ndaawinna yegnit padafuleer den o mat xan a ndeɓel no ped ke Yeerusaleem yaam o ngar fo biim le fa xire fee. Jegkee o leng oxaa gasna a den na mboy, den oo rew den oo, xa ƥiy xa koor den fo xa ƥiy xa tew den. Neene, xam fudin took den paaxeer ke da mbi’na.

Gade chapit la Kopi




Yeremi 14:16
23 Referans Kwoze  

Xa tal axe na xeet feene xan a ndef ñaamel tiiƭ ke fo ƥaaɓaan ke no lanq ke, too o leng fiiqilkee a den.


Xan nu mbuq o gaf ole na pesoorooƭ nuun, naang tem fa luq-luq nuun.


Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.


Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»


Cinj kaaga, nanaam o ñuxur o maak olaa inoorna no Mbind Roog ne, a lay malaaka ɓetuu ƭik ke yee: «Ndetyo ƥax took lanq ke fo mbeeƭ ɓetuu ƭik ne yipna fuux le Roog!»


Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»


O Yaal oxe kaa tee: «Baa o yaal-o-and oxe a fakoorit o and um! Baa jambaar fee a fakoorit njambaar um! Baa o yaal halal oxe a fakoorit halal um!


Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»


A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»


Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.


Xa ƥeef owe ɗaraas, a luuñaa a lanq no ped ke nen naak-a-koƥ laa dameena no mbog, a sufoox fuux le no Yaal oxe fo o nqasan onqe Roog of.


O Yaal oxe a laya yee: «Na jamaane faaga, xa kiiƈ axe no maad we Yudaa, axe no kelfa ke den, axe no saasadax we, axe no duleer we fo axe no we ngenna Yeerusaleem xan a uttel no poy ke den.


Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.


O Yaal oxe kaa tee: ‹Luliim a den, too kaa yegnitaa xa maaƥ no gon es, ndax um rax a nuun soo nu saŋkoox, nuun fo duleer we na yegnaa a nuun padafuleer.› »


Cinj a qool ɓetaa ƭaq ake, xan goor a njilel, a ngadnel o mbidaa saax le cay, ndax da mbaaƭ xa tal axe maadna luuñaa a lanq, a ngas a den, ndax da nqoolaand saax le Isra’el.


Keeke o Yaal oxe a layu: ‹Xan o teef a jaga’ik kam teeru fee, xa ƥeef a mbartel laƥ, o qol of a ɗegrel, wo fa xoox of o xontik a koƥ, Ii-isra’el we a ndefik faɗ no saax jan.› »


«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»


Wo Pasehuur itam fo we ngenna no mbind of fop, xan nu ƥisel took o hup doole. Xan o ret Babilon too maaga o xonitkaa, gasel maaga, wo fo qaariit of fop ke yegnoona tefee ndigil.› »


Swiv nou:

Piblisite


Piblisite