Yeremi 14:12 - NQAARIIT NE ROOG

¹² A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 14:12 Referans Kwoze

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Yeremi 11:11

Ten taxu keeke o Yaal oxe a layu: «Mexey ɓisiidaa took den taamaala faa da mbaagkeerna o ndaɗ. Xan a ƈufginooxaam, ndaa nan-gilooxkiim a den.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Xa peƭit axe 1:28

Maaga, xan nu nqoyaam, ndaa jaaɓkiim, nu mbaaƭaam, ndaa nu nga’kiraam,

Sakari 7:13

Feek nan-gilooxee, ye um xoyaa a den, mi itam nan-gilooxiim, ye da ƈufginooxaxama. Mi o Yaal oxe Hupna fop layun.

Mise 3:4

Ten taxu, yaa da ƈufginooxkaa o Yaal oxe, jaaɓkee a den, ndaa xan a ɗasin a den mukit um, yaam kaa da mbi paaxeer.

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

Esayi 58:3

Kaa laamtaxam ee: ‹Xar a jiriiñu i ngooraa, yaa ga’eeranoona? Xar a ɗaxu i ndamaa cer in, a ƭat of a yongangee teen?› Maaga um doon ee: Ƭeetlooxeenoo nuun fa qoox nuun: Koor ne nuun yaqanee nu ƈufanaa o njiriiñ a qoox nuun, ñagadilaa jaajal we nuun.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

Ke bindeena no xe ne’eena YOB 27:9

Ndax Roog a naaga o nan-gilooxaa xa buuq um, yaa naqad a daluuna?

Yeremi 8:13

O Yaal oxe kaa tee: «Xam ɓoor a den, too ndaxar biiñ ne saqkatee o rim o leng, ndun ne jegkatee o run o leng, a naf ake xan a leeƥ. Xam coox a den waa na ñafaƭooxkaa a den.»

Yeremi 21:6

Xam xaw fop ke na ñoowaa na teeru fene, wiin we fo cegel ke, da nqonit na piste.

Yeremi 32:24

Ga’angi, a uum lanq a songir a ndaawa teeru fee boo a ƈut. Kaakalde we xan a songin, a njaɓin ndiiki. Teeru fee xan a ɓoxotel na xa ƥay den na pexey xire fo biim fa piste. Ke yegnit’oona a fadnooxa, too ga’aano a paax.

Heseki’el 14:19

Mbaat toox um hebliid’angaa piste kam saax leene soo bilit fuux ɗomu le mi took um na pexey fa nqon fee, ndax um suud teen wiin we fo cegel ke,

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

Amos 5:21

«Jegee dara kaa felaxama no toofeen ke nu mbi’anaxam, o xetand nuun a wataam xus nen ƈaq.

Malaki 1:10

Ke moƴna o leng na nuun a weg begax ke no Mbind Roog ne, ndax nu ngeƥandiidkatee na kasaara fiɗel no sadaxand ole mi. O Yaal oxe Hupna fop kaa tee: Kaa nu soofaam, too sadax ke nu ƥoxotaxam mbeliraam.

Malaki 2:13

Keeke refahinu ke nu mbi’aa: Nuun taxu boo o sadaxand ole no Yaal oxe a may muut fo xa kooniit fo xa lool fo xa iin. Ten taxu yoo ta xuun sadax ke nuun too jaɓkatee dara no ke nu ƥoxotan.»

Yeremi 11:14

Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!