Yeremi 14:10 - NQAARIIT NE ROOG

¹⁰ Keeke o Yaal oxe a layu no kaa jofna na xeet feene: «Ii, a coqooyax felu a den, da ƥodax o jaf. Kaa koy, yooniim no keene, mi o Yaal oxe. Wetandooxaam ndiiki tooñ den, too kaam xawaa pakaad den.»

Yeremi 14:10 Referans Kwoze

Hoose 9:9

Nu njimbooxa no laawax nen ñaal kaa Gibe’a. O Yaal oxe weecee tooñ nuun too xan a xaw pakaad nuun.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

A kim a tedu ke 119:101

Kaam fañ faƥit ee xotkiim a ƭat a paaxeer, ndax um gay ke hatna no don of.

Amos 5:22

Dara feliraam no sadax toxel ke fo no sadax tuufe-duufe ke nu ƥoxotaxam, xeeñ es a sib cegel ke nu nqirsaa, tee kaa nu sadaxtaa.

Yeremi 6:20

Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.

Hebre 8:12

yaam xam waasanit tooñ den, too wetandooxkatiim pakaad den.»

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

Hoose 11:9

Reefankiim fuux ɗomu le mi. Waasaam yaq fee fosooxan’oonga, wo Efrayim, yaam Roog refum, refiim o kiin. Kaam ref o Tedu xe a ndeer of, garitkiim fuux.»

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

1 Maad we 17:18

O yaal mbind o tew oxaa a ñofa o laamit a Eliya yee: «Xar i ndeeru, wo o kiin Roog oxe? Kaa o xalatooxiidaam ndax o wetand a Roog tooñ es boo a tax o ƥees a xon neeke?»

1 Sami’el 15:2

O Yaal oxe Hupna fop kaa tee: ‹Xam rabdinoox took Aa-amalek we, yaam ne da kand’ina Ii-isra’el we, ye da sutooxna Misira boo a nqot a ƭat den.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Heseki’el 29:16

Refkatee muk no mbind Isra’el koolooxel kaa na ñoowdandaa tooñ ne da mbi’na boo a ƈut, ye da ngeleerooxna farna fo Miimisira we, too xan da and ee mi refu o Yaal oxe na refkaa boo faw.»

Hoose 7:2

Layee taa kam den ee wetandooxaam kañaan den. Ndiiki koy, a pi den kaa mbid a den, a ndef mbaambir es.

Hoose 7:13

Sabab took den, yaam kaa ƈuf, a ngoƭaam! Fat da mbes a pec, yaam kaa siiknoor fa mi! Ndax kaa da mboog ee xam wat a den, mi fee da maaɓanaa?

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»