Yeremi 13:27 - NQAARIIT NE ROOG

²⁷ Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Yeremi 13:27 Referans Kwoze

Hoose 8:5

Nuun Saasamari we, ndeɓ o nqeel wurus onqe moƴ’u na nuun. Fuux es a biltooxana a nuun. Kaa nu nqoolaƭarkaa boo a mban?

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.

Esayi 65:7

Mi o Yaal oxe, mexe layan ee: Xam rabdandoor tooñ den fop fo tooñ ke no daan den, den we ndoxoogna cuuraay took xa coong axe, a mbenaxam took a ñaang ake. Neene, xam rabid a den a pesoorooƭ den ale yaaga too hendkiim teen dara.»

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Heseki’el 36:37

Keeke layum, mi o Yaal oxe na refkaa boo faw: Xam xaƴahin Ii-isra’el we da ƈufginooxaam too xam jaaɓ a den yaa um mayƭandkaa a den boo nen ged.

Xa peƭit axe 1:22

«Nuun we ndaƥna a yiif, kaa nu ndefkaa no raƥ yiif boo a mban? Nuun xaaxaadnax we, kaa nu mbugko nqaadnooxaa boo a mban? Nuun panxoy ke, kaa nu mbugko sibaa o and ole boo a mban?

Mbeeñil 8:13

Ga’aam too nanaam a canjiik alaa na yetaa na asamaan, a layaa a maak ee: «Sabab! Sabab! Ndaw sabab took we ngenna no lanq ke yaa a luuƥ ake no malaaka tadik lakas ke a njibkaa!»

Saak 4:4

Kaa nu ngore’ee! Ndax nu andee yee oxe fexna tig adna, o pañ Roog oo? O kiin oxuu bugna xaariitoor fo tig adna, a refata o pañ Roog.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Sofoni 3:1

Sabab took teeru fa mbaafañ fa nqoolaƭaru fee, teeru fee naagna gañ fo ñaañagadil!

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Heseki’el 24:6

Ten taxu keeke o Yaal oxe na refkaa boo faw a layu: Sabab took teeru fa yednu fee! Kaa nandtaa a kaleera qoyu laa nqoy ke a mbaageerna o mbat. Suudi teen xa ƭeg axe, o leng o leng, fañ o banjang ne o suuditkaa a den.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 2:10

A dortaan mbaambir es, ta bindel na xa saax xa ƭaq axe. Kaa bind’el teen ee: «Ƭomatax, a coytax, xa iin.»

Esayi 57:7

Sipaa njong of took o joong o jiig, maaga o ŋaayaa, ndax o ɓoxot sadax.

A kim a tedu ke 94:4

Fiifi paaxeer weene kaa ƥelewƥelewnaa, a magnandooxaa na fa lay, a mbakooxaa.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

A kim a tedu ke 94:8

Mbootooxyo boog, nuun wiin ɓodaxu we! Nuun panxoy ke, ndi a mban nu andkaa tig?

Yeremi 11:15

O Yaal oxe kaa tee: «Xar xeet fee fexuuma fex a mbaaƭiidu no Mbind es? Paaxeer ƥor a yuuɓu teen sax. Ndax kaa mboog ee ke da ndegaxama fo sadax cegel ke da ƥoxotaxam xan a mbinqan a den taamaala fee, soo da sutoox teen?»

Heseki’el 16:23

A cinj a pi kañaan ake wo fop, sabab, sabab took of! Mi o Yaal oxe na refkaa boo faw layun.

Heseki’el 24:12

A koorgoorlax akeene fop kasaara yoo, nqoy mayaan ke muuruuna, fiɗel taxkiran o wat.